លោក Trump គ្រោងជជែកជាមួយលោក Putin នៅថ្ងៃស្អែកដើម្បីបញ្ចប់សង្គ្រាមនៅអ៊ុយក្រែន
លោក Trump គ្រោងជជែកជាមួយលោក Putin នៅថ្ងៃស្អែកដើម្បីបញ្ចប់សង្គ្រាមនៅអ៊ុយក្រែន
អាមេរិក៖ ប្រធានាធិបតីសហរដ្ឋអាមេរិក លោក Donald Trump បាននិយាយថា លោកគ្រោងនឹងជជែកជាមួយប្រធានាធិបតីរុស្ស៊ី លោក Vladimir Putin នៅថ្ងៃអង្គារ (ថ្ងៃទី ១៨ ខែមីនា) ដើម្បីបញ្ចប់សង្រ្គាមនៅអ៊ុយក្រែន។
លោក Trump បានប្រាប់ក្រុមអ្នកយកព័ត៌មានពីលើយន្តហោះ Air Force One ក្នុងអំឡុងពេលហោះហើរត្រឡប់ចេញពី រដ្ឋ Florida ទៅទីក្រុង Washington ថា «ខ្ញុំនឹងនិយាយទៅកាន់ប្រធានាធិបតី Putin នៅថ្ងៃអង្គារ។ ការងារជាច្រើនត្រូវបានធ្វើនៅចុងសប្តាហ៍»។
លោក Trump កំពុងព្យាយាមយកឈ្នះការគាំទ្ររបស់លោកពូទីនសម្រាប់សំណើបទឈប់បាញ់រយៈពេល ៣០ ថ្ងៃដែលប្រទេសអ៊ុយក្រែនបានទទួលយកកាលពីសប្តាហ៍មុន ខណៈដែលភាគីទាំងពីរបានបន្តវាយប្រហារគ្នាតាមអាកាសយ៉ាងខ្លាំងក្លាកាលពីចុងសប្តាហ៍កន្លងមកនេះ ។
នៅក្នុងការវាយប្រហារនោះ កងទ័ពរបស់ប្រទេសរុស្ស៊ីបានបណ្តេញកងទ័ពរបស់អ៊ុយក្រែនចេញពីទីតាំងឈរជើងរាប់ខែនៅតំបន់ Kursk ភាគខាងលិចរបស់រុស្ស៊ី។
ទាក់ទិននឹងបញ្ហានេះ ប្រធានាធិបតីអាមេរិកបាននិយាយនៅប្រព័ន្ធផ្សព្វផ្សាយសង្គមកាលពីថ្ងៃសុក្រថាលោកបាន ស្នើសុំលោកពូទីនកុំសម្លាប់ទាហានអ៊ុយក្រែនរាប់ពាន់នាក់ដែលរុស្ស៊ីកំពុងរុញច្រានចេញពីទីក្រុង Kursk ។
ជាការឆ្លើយតប លោក ពូទីន បាននិយាយថា លោកនឹងគោរពតាមសំណើរបស់លោក Trump ក្នុងការសង្គ្រោះជីវិតរបស់ទាហានអ៊ុយក្រែន ប្រសិនបើពួកគេចុះចាញ់។
វិមានក្រឹមឡាំងក៏បាននិយាយកាលពីថ្ងៃសុក្រថាលោកពូទីនបានផ្ញើសារ ទៅលោក Trump អំពីផែនការបទឈប់បាញ់របស់លោកតាមរយៈបណ្តាញសង្គម Witkoff របស់រុស្សី ដោយបង្ហាញពី «សុទិដ្ឋិនិយមដោយប្រុងប្រយ័ត្ន» ចំពោះកិច្ចព្រមព្រៀងមួយអាចនឹងត្រូវបានសម្រេចដើម្បីបញ្ចប់សង្គ្រាម៕
https://www.channelnewsasia.com/world/russia-ukraine-war-trump-putin-speak-ceasefire-5004156
