លោក ត្រាំ ប្រកាសដំឡើងពន្ធ ៤៩% លើទំនិញនាំចូលពីកម្ពុជាខ្ពស់ជាងគេបំផុត

លោក ត្រាំ ប្រកាសដំឡើងពន្ធ ៤៩% លើទំនិញនាំចូលពីកម្ពុជាខ្ពស់ជាងគេបំផុត

អាមេរិក៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសដំឡើងពន្ធ ៤៩% លើទំនិញនាំចូលពីកម្ពុជា ដែលជាអត្រាខ្ពស់បំផុតនៃពន្ធគយរបស់ប្រទេសផ្សេងទៀត នៅលើពិភពលោក ។

លោក ដូណាល់ត្រាំ បានប្រកាសតម្លើងពន្ធចំពោះប្រទេសកម្ពុជា រួមជាមួយនឹងបណ្តាប្រទេសផ្សេងទៀត នៅព្រឹកនេះ ម៉ោងនៅកម្ពុជាមានដូចជារួមមានវៀតណាម ៤៦% ស្រីលង្កា ៤៤% បង់ក្លាដែស ៣៧% ចិន ៣៤% ឥណ្ឌា ២៦% កូរ៉េខាងត្បូង ២៥% ជប៉ុន ២៤% និងប្រទេសក្នុងសហភាពអឺរ៉ុប ២០%។

លោក ត្រាម បានថ្លែងថា ការម្លើតអត្រាពន្ធថ្មីនេះ ចំថ្ងៃទី ២ ខែមេសា ជាថ្ងៃនៃការប្រកាសថាជា “ថ្ងៃរំដោះរបស់អាមេរិក”។

សហរដ្ឋអាមេរិក គឺជាទីផ្សារនាំចេញដ៏ធំបំផុតរបស់កម្ពុជា ដែលស្មើនឹង ៣៧.៩% នៃតម្លៃនាំចេញរបស់ព្រះរាជាណាចក្រកម្ពុជា បន្ទាប់មកគឺវៀតណាម ១៣.៨% ប្រទេសចិន ៦.៧% និងជប៉ុន ៥.៤%។

នៅឆ្នាំ ២០២៤ កម្ពុជាបាននាំចេញទំនិញទៅអាមេរិកមានតម្លៃ ៩,៩២ ពាន់លានដុល្លារ កើនឡើង ១១,៤ ភាគរយ ខណៈការនាំចូលពីសហរដ្ឋអាមេរិកមកកម្ពុជាមានចំនួន ២៦៤,១៥ លានដុល្លារ កើនឡើង ២,៧ ភាគរយ។ ទំហំពាណិជ្ជកម្មទ្វេភាគីសរុបរវាងប្រទេសទាំងពីរឈានដល់ ១០.១៨ ពាន់លានដុល្លារ កើនឡើង ១១.២% ធៀបនឹងឆ្នាំ ២០២៣។

ភាគច្រើននៃការនាំចេញរបស់កម្ពុជាទៅកាន់សហរដ្ឋអាមេរិករួមមានសម្លៀកបំពាក់ ទំនិញធ្វើដំណើរ និងស្បែកជើង៕