សរុបលទ្ធផលការប្រកួតលីគកំពូលកម្ពុជា សប្ដាហ៍ទី១៦
សរុបលទ្ធផលការប្រកួតលីគកំពូលកម្ពុជា សប្ដាហ៍ទី១៦
ការប្រកួតជើងឯកលីគកំពូលកម្ពុជា ឬខេមបូឌានព្រីមៀរលីគ (CPL) សប្តាហ៍ទី១៦ បានបញ្ចប់សប្ដាហ៍ទី១៦ហើយ ដោយក្នុងនោះ ភ្នំពេញក្រោន មិនអាចរកបាន ៣ពិន្ទុនោះទេ ក្នុងសប្ដាហ៍នេះ។
ខាងក្រោមនេះ ជាលទ្ធផលការប្រកួតនៅថ្ងៃ អាទិត្យ ទី១២ ខែមករា ឆ្នាំ២០២៥៖
-ឡាហ្វ ខេត្តព្រះសីហនុ ១-១ គីរីវង្សសុខសែនជ័យ
-ព្រះខ័នរាជស្វាយរៀង ២-០ បឹងកេត
-ភ្នំពេញក្រោន ០-០ ណាហ្គាវើលដ៍ ។
ខាងក្រោមនេះ ជាលទ្ធផលការប្រកួតនៅថ្ងៃ សៅរ៍ ទី១១ ខែមករា ឆ្នាំ២០២៥៖
-សមាគមបាល់ទាត់ក្រសួងមហាផ្ទៃ ០-៣ Tiffy Army FC
-អង្គរថាយហ្គឺរ ០-២ វិសាខា ។
គួរបញ្ជាក់ថា គិតត្រឹមសប្ដាហ៍ទី១៦ ក្រុមភ្នំពេញក្រោន កំពុងឈរកំពូលតារាង មាន ៤១ពិន្ទុ តាមពីក្រោយដោយ ព្រះខ័នរាជស្វាយរៀង មាន ៤០ពិន្ទុ និងវិសាខា ឈរលេខ៣ មាន ៣៥ពិន្ទុ។
គិតត្រឹមសប្ដាហ៍ទី១៦នេះ គេសង្កេតឃើញថា ក្រុមបាល់ទាត់គីរីវង្សសុខសែនជ័យ ក្រោមការដឹកនាំរបស់គ្រូបង្វឹក សាប៊ូន វិនតា ជាក្រុមតែមួយគត់នៅលីគកំពូលកម្ពុជា ដែលមិនទាន់ស្គាល់ជ័យជំនះទាល់តែសោះ ដោយកំពុងឈរបាតតារាង ក្រោយចាញ់ ១៤ និងស្មើ២ មាន ២ពិន្ទុគត់៕
