លោក Trump អំពាវនាវឱ្យមានបទឈប់បាញ់ជាបន្ទាន់នៅអ៊ុយក្រែន បន្ទាប់ពីជួបលោក Zelenskyy

លោក Trump អំពាវនាវឱ្យមានបទឈប់បាញ់ជាបន្ទាន់នៅអ៊ុយក្រែន បន្ទាប់ពីជួបលោក Zelenskyy

បារីស៖ លោក Donald Trump ប្រធានាធិបតីជាប់ឆ្នោតរបស់អាមេរិក បានអំពាវនាវឱ្យមានបទឈប់បាញ់ភ្លាមៗនៅប្រទេសអ៊ុយក្រែននៅមួយថ្ងៃ បន្ទាប់ពី លោកបានជួបជាមួយប្រធានាធិបតីអ៊ុយប្រទេសក្រែនលោក Volodymyr Zelenskyy នៅទីក្រុងប៉ារីស។

តាមរយៈការចុះផ្សាយរបស់សារព័ត៌មាន the guardian នៅថ្ងៃទី ៩ ខែធ្នូនេះ ឱ្យដឹងថា លោក Donald Trump បាន អះអាងថា ទីក្រុង Kyiv ចង់ឱ្យមានកិច្ចព្រមព្រៀងមួយ ដើម្បីបញ្ចប់សង្រ្គាមរបស់ខ្លួនជាមួយប្រទេសរុស្ស៊ី។

នៅក្នុងលើបណ្តាញសង្គម Truth Social លោក Trump បាននិយាយថា ភាគីទាំងពីរបានទទួលរងការខាតបង់យ៉ាងសម្បើមនៅក្នុងសង្រ្គាម ។ នៅពេលធ្វើយុទ្ធនាការឃោសនាបោះឆ្នោតនៅសហរដ្ឋអាមេរិក លោក Trump បានអះអាថា លោកអាចនឹងបញ្ចប់សង្គ្រាមនៅប្រទេសអ៊ុយក្រែនក្នុងរយៈពេល២៤ ម៉ោង ប្រសិនបើជាប់ឆ្នោត។

ទាក់ទិននឹងបញ្ហានេះ លោក Trump បានតែងតាំងឧត្តមសេនីយកងទ័ពចូលនិវត្តន៍ម្នាក់ គឺលោក Keith Kellogg ជាបេសកជនពិសេសប្រចាំនៅប្រទេសរុស្ស៊ី និងអ៊ុយក្រែនរួចហើយ ដែលឧត្តមសេនីយរូបនេះ ទទួលភារកិច្ចពិភាក្សា បញ្ចប់សង្រ្គាមនៅប្រទេសអ៊ុយក្រែន។

លោក Trump បាននិយាយកាលពីថ្ងៃអាទិត្យថា មនុស្សជាច្រើនកំពុងត្រូវបាន ព្រាត់ប្រាស់គ្រួសារ និងហេដ្ឋារចនាសម្ព័ន្ធ ជាច្រើនត្រូវបានបំផ្លាញ។ ដូច្នេះ គួរតែមានបទឈប់បាញ់ជាបន្ទាន់ ហើយការចរចាគួរតែតត្រូវបានចាប់ផ្តើម។

លោក Trump បានឱ្យដឹងទៀតថា ទីក្រុងកៀវបានបាត់បង់ជីវិតទាហាន ៤០ ម៉ឺននាក់ និងជនស៊ីវិលជាច្រើននាក់ទៀត បានស្លាប់ និងរត់ចោលស្រុក ។ ទោះជាយ៉ាងណា លោកមិនបានបញ្ជាក់ថាតើតួលេខនោះរួមបញ្ចូលអ្នករបួសឬអត់នោះទេ។

លោកបានបន្ថែមថា លោក Zelenskyy និងប្រទេសអ៊ុយក្រែនចង់មានកិច្ចព្រមព្រៀងមួយ និងបញ្ឈប់ការសង្គ្រាមដ៏អាក្រក់មួយនេះ ។

ជុំវិញបញ្ហានេះដែរ លោកប្រធានាធិបតីប្រទេសអ៊ុយក្រែន Zelenskyy បានសរសេរនៅលើបណ្តាញម Telegram កាលពីថ្ងៃអាទិត្យថា លោកមានជំនួបពិភាក្សាយ៉ាងល្អជាមួយ លោក Trump នៅទីក្រុងប៉ារីស។

គេហទំព័រព័ត៌មាន Axios បានរាយការណ៍ថា ប្រធានាធិបតីបារាំង លោក Emmanuel Macron បានបញ្ចុះបញ្ចូលឱ្យ លោកTrump បានជួប លោក Zelenskyy ជាមួយ លោក ដោយដំបូងឡើយ លោក Trump មានការស្ទាក់ស្ទើរក្នុងការជួបមេដឹកនាំអ៊ុយក្រែន។

លោក Zelenskyy បាននិយាយកាលពីថ្ងៃអាទិត្យថា ទាហានរបស់ប្រទេសអ៊ុយក្រែន ប្រមាណ ៤៣,000 នាក់ បានស្លាប់ និងទាហានប្រមាណ ៣៧០,000 នាក់បានរងរបួស ដែលក្នុងនោះប្រហែលពាក់កណ្តាលបានវិលមកបម្រើវិញកងទ័ពវិញ បន្ទាប់ពីការព្យាបាលរួចរាល់៕