ឯកឧត្តមឧត្ដមសេនីយ៍ឯក ស ថេត ត្រួតពិនិត្យកម្លាំងនគរបាលដើម្បីត្រៀមរៀបចំព្រឹត្តិការណ៍ស៊ីហ្គេម និងប៉ារ៉ាហ្គេម ២០២៣
ឯកឧត្តមឧត្ដមសេនីយ៍ឯក ស ថេត ត្រួតពិនិត្យកម្លាំងនគរបាលដើម្បីត្រៀមរៀបចំព្រឹត្តិការណ៍ស៊ីហ្គេម និងប៉ារ៉ាហ្គេម ២០២៣
នៅព្រឹកថ្ងៃ១៤ ខែមករា ឆ្នាំ២០២៣ ឯកឧត្ដម ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជេីញត្រួតពិនិត្យកម្លាំងប្រជុំជួរ ដើម្បីត្រៀមព្រឹត្តិការណ៍ស៊ីហ្គេម និងប៉ារ៉ាហ្គេម ២០២៣ ដែលមានកម្លាំងសរុប ចំនួន៦០០នាក់ ដោយមានការចូលរួមពីលោក-លោកស្រីស្នងការរង លោកនាយ-នាយរងការិយាល័យ លោកអធិការនគរបាលខណ្ឌ និងមន្ត្រីតាមបណ្តាផែនការងារជំនាញ និងអធិការដ្ឋាននគរបាលខណ្ឌ។
ក្នុងឱកាសនោះដែរ ឯកឧត្តមស្នងការ ធ្វើការណែនាំដល់កងកម្លាំងទាំងអស់ត្រូវកាត់សក់ឲ្យខ្លី ស្លៀកពាក់ស្អាតបាត សមរម្យជាកងកម្លាំងនគរបាលជាតិ ជាពិសេសត្រូវចូលរួមគោរព និងអនុវត្តវិន័យរបស់កងកម្លាំងឲ្យបានខ្ជាប់ខ្ជួន ដើម្បីមុខម៉ាត់ កិត្តិយសរបស់នគរបាលជាតិ៕
