តោះ ! មកស្គាល់កីឡាករទាំង៥រូបដែលស៊ុតបញ្ចូលទីបានច្រើនជាងគេក្នុងរដូវកាលនេះ
តោះ ! មកស្គាល់កីឡាករទាំង៥រូបដែលស៊ុតបញ្ចូលទីបានច្រើនជាងគេក្នុងរដូវកាលនេះ
ក្របខ័ណ្ឌលីគកំពូលអង់គ្លេស ឬ Premier League ជាលីគលំដាប់ទីមួយរបស់ពិភពលោក និងជាលីគដែលមានការប្រកួតប្រជែងខ្លាំង ដោយកីឡាករលំដាប់ពិភពលោកសុទ្ធតែប្រមូលផ្ដុំនៅទីនោះ។
យ៉ាងណាក៏ដោយ ម្ចាស់ស្បែកជើងមាស Premier League ក្នុងរដូវកាលនេះសឹងតែរកឃេីញទៅហើយ ពោលគឺតារាឆ្នើមរបស់ក្រុមមេឃខៀវ Manchester City កីឡាករ Earling Halland ក្លាយជាអ្នកស៊ុតបញ្ចូលទីច្រេីនជាងគេក្នុងក្របខ័ណ្ឌកំពូលរបស់អង់គ្លេស ក្នុងរដូវកាលនេះ។
ថ្ងៃនេះ ENN នឹងបង្ហាញកីឡាករទាំង៥រូប ដែលស៊ុតបញ្ចូលទីបានច្រើនជាងគេក្នុងរដូវកាលនេះ៖
១- Erling Haaland | Manchester City | ៣២ គ្រាប់
ការផ្លាស់ប្តូរទៅកាន់ប្រទេសអង់គ្លេសសម្រាប់ Erling Haaland ត្រូវបានគេនិយាយថា អាចនឹងមានបញ្ហា និងត្រូវការពេលវេលា។ តែទោះបីជាយ៉ាងណាក៏ដោយ គិតមកទល់ពេលនេះ កីឡាករសញ្ជាតិន័រវេស ស៊ុតបញ្ចូលទីបានចំនួន ៣២គ្រាប់ នៅលីគកំពូលអង់គ្លេស។
២- Harry Kane | Tottenham | ២៣ គ្រាប់
ម្ចាស់ស្បែកជើងមាសចំនួនបីរដូវកាល ខ្សែប្រយុទ្ធ Harry Kane របស់ក្រុម Tottenham ជាកីឡាករពូកែស៊ុតបំប៉ោងសំណាញ់ទី។ ប្រធានក្រុមអង់គ្លេសរូបនេះ ស៊ុតបញ្ចូលទីបានចំនួន២៣គ្រាប់ហេីយ ក្នុងរដូវ។
៣- Ivan Toney | Brentford | ១៨ គ្រាប់
Ivan Toney បានស៊ុតបញ្ចូលទីបាន ៣៣គ្រាប់ នៅពេលជួយ Brentford ឱ្យឡើងទៅកាន់ក្របខ័ណ្ឌ Premier League។ គិតត្រឹម ៣១ សប្ដាហ៍លើទីលាន Ivan Toney បានស៊ុតបញ្ចូលទីចំនួន ១៨គ្រាប់។
៤- Marcus Rashford | Manchester United | ១៥ គ្រាប់
កីឡាករវ័យក្មេង Marcus Rashford បានស៊ូទ្រាំនឹងរដូវកាលដ៏ខកចិត្តមួយ កាលពីឆ្នាំ ២០២២ ដោយស៊ុតបញ្ចូលទីបានតែ ៥គ្រាប់ប៉ុណ្ណោះនៅក្នុងការប្រកួតទាំងអស់ ។ យ៉ាងណាក្នុងរដូវកាលនេះ រូបគេហាក់កំពុងស្វែងរកការចាប់អារម្មណ៍ឡើងវិញ ដោយស៊ុតបញ្ចូលទីសរុបចំនួន ១៥គ្រាប់ហើយនៅ premier league ។
៥- Mohamed Salah | Liverpool | ១៥ គ្រាប់
កំពូលតារាឆ្នេីម Liverpool កីឡាករ Mohamed Salah កំពុងការពារដំណែងម្ចាស់ស្បែកជើងមាស កាលពីរដូវកាលមុន ដែលឈ្នះរួមគ្នាជាមួយតារាឆ្នើមអាស៊ី កីឡាករ Son Heung-Min។ ខ្សែប្រយុទ្ធសញ្ជាតិអេហ្ស៊ីប ស៊ុតបញ្ចូលទីចំនួន១៥គ្រាប់ហេីយ ក្នុងរដូវកាលនេះ៕
