Alibaba គ្រោងបំបែកខ្លួនជាក្រុមហ៊ុនថ្មីចំនួន ៦

ដោយ៖ Volak ENN | ថ្ងៃព្រហស្បតិ៍ ទី៣០ ខែមីនា ឆ្នាំ២០២៣ បច្ចេកវិទ្យា

ក្រុមហ៊ុន Alibaba Group ត្រូវបានគេរាយការណ៍មកថា គ្រោងនឹងបំបែកខ្លួនចេញជា ៦អង្គភាពធំៗ ហើយក៏ត្រៀមខ្លួនក្នុងការចុះបញ្ជីផ្សារហ៊ុននៅក្នុងប្រទេសចិនផងដែរបន្ទាប់ពីរដ្ឋាភិបាលបានបន្ថយការរឹតបន្តឹងលើក្រុមហ៊ុនឯកជន។

អង្គភាពធំៗទាំង ៦ នោះរួមមាន Cloud Intelligence Group (ដំណោះស្រាយផ្នែកសាវាកម្មរក្សាទុកទិន្នន័យលើពពក), Taobao Tmall Commerce Group (សេវាកម្មលក់ទំនិញក្នុងស្រុក), Local Services Group (សេវាដឹកជញ្ជូន), Cainiao Smart Logistics Group (សេវាកម្មភ័ស្តុភារ), Global Digital Commerce Group (ផ្សារលក់ទំនិញអនឡាញ (AliExpress) និង Digital Media and Entertainment Group (សេវាកម្មកម្សាន្ត)។

ការប្រកាសរៀបចំរចនាសម្ព័ន្ធថ្មីនេះ ត្រូវបានធ្វើឡើងប៉ុន្មានថ្ងៃបន្ទាប់ពីវត្តមានរបស់លោក Jack Ma ត្រឡប់ចូលស្រុកចិនវិញ។

ក្រុមហ៊ុន Alibaba Group បានរងសម្ពាធខ្លាំងពីសំណាក់រដ្ឋាភិបាលចិន ក្រោយពេលលោក Jack Ma បានរិះគន់ច្បាប់ក្នុងប្រទេសចិន ហើយរូបលោកក៏បានបាត់ខ្លួនអស់រយៈពេលប្រមាណ ២ឆ្នាំផងដែរ។

ពាក់ព័ន្ធនឹងការរៀបចំរចនាសម្ព័ន្ធថ្មីនេះផងដែរ លោក Daniel Zhang នឹងបន្តកាន់តំណែងជានាយកប្រតិបត្តិ (CEO) ហើយចំពោះអង្គភាពថ្មីទាំង ៦ នឹងមានក្រុមហ៊ុនព្រឹក្សាភិបាល និង CEO រៀងៗខ្លួន៕

អត្ថបទទាក់ទង

iPhone 15 ចំនួន៤ម៉ូដែល ត្រូវបានប្រកាសបង្ហាញជាផ្លូវការ បច្ចេកវិទ្យាថ្ងៃពុធ ទី១៣ ខែកញ្ញា ឆ្នាំ២០២៣
ភាពសំខាន់នៃការបញ្ចូលភាពច្នៃប្រឌិត ទៅលើអាជីវកម្មក្នុងសង្គមឌីជីថល បច្ចេកវិទ្យាថ្ងៃពុធ ទី៣០ ខែសីហា ឆ្នាំ២០២៣
ឧស្សាហកម្ម ៤.០៖ ម្ចាស់អាជីវកម្មគួរចេះជំនាញថ្មីៗដើម្បីជំរុញអាជីវកម្មឱ្យកាន់តែរីកចម្រើន បច្ចេកវិទ្យាថ្ងៃព្រហស្បតិ៍ ទី២៤ ខែសីហា ឆ្នាំ២០២៣
ក្រសួងប្រៃសណីយ៍ប្រាប់ឱ្យប្រជាពលរដ្ឋប្រុងប្រយ័ត្នចំពោះការបោកបញ្ឆោតតាមរយៈប្រព័ន្ធ Telegram បច្ចេកវិទ្យាថ្ងៃអង្គារ ទី២២ ខែសីហា ឆ្នាំ២០២៣
នាយកដ្ឋានប្រឆាំងបទល្មើសបច្ចេកវិទ្យាឱ្យប្រជាពលរដ្ឋដែលរងគ្រោះដោយសារកម្ចីខុសច្បាប់ ឬកម្ចីអនឡាញទាក់ទងមកខ្លួនដើម្បីមានចំណាត់ការ បច្ចេកវិទ្យាថ្ងៃព្រហស្បតិ៍ ទី៦ ខែកក្កដា ឆ្នាំ២០២៣
ឆ្នាំ ២០២៣ នេះ Apple ទំនងអាចលក់បាន iPhone សរុបចំនួនជាង ២២០លានគ្រឿង បច្ចេកវិទ្យាថ្ងៃចន្ទ ទី៣ ខែកក្កដា ឆ្នាំ២០២៣