សៀង ចន្ធា និង វីរៈ ដារ៉ា ស្ថិតក្នុងបញ្ជីឈ្មោះបេក្ខភាពប្រជែងពានកីឡាករឆ្នើមប្រចាំខែធ្នូ
សៀង ចន្ធា និង វីរៈ ដារ៉ា ស្ថិតក្នុងបញ្ជីឈ្មោះបេក្ខភាពប្រជែងពានកីឡាករឆ្នើមប្រចាំខែធ្នូ
កាលពីថ្ងៃ ពុធ ទី០១ ខែមករា ឆ្នាំ២០២៥ ក្រុមហ៊ុនលីគកំពូលកម្ពុជា ឬ Cambodian Premiere League បានបង្ហាញបញ្ជីឈ្មោះបេក្ខភាពកីឡាករឆ្នើមប្រចាំខែធ្នូ មានចំនួន ៥នាក់។
ក្នុងចំណោមកីឡាករទាំង៥រូបខាងលើ គេសង្កេតឃើញថា មានកីឡាករកម្ពុជា ចំនួន២រូប គឺខ្សែប្រយុទ្ធរបស់បឹងកេត កីឡាករ សៀង ចន្ធា និងអ្នកចាំទីរបស់ព្រះខ័នរាជស្វាយរៀង កីឡាករ វីរៈ ដារ៉ា។ ចំណែកកីឡាករ៣នាក់ទៀតសុទ្ធតែជាកីឡាករបរទេស ដែលមានដូចជា Jelle Joost Goselink របស់ភ្នំពេញក្រោន, កីឡាករ Joao Pedro របស់អង្គរថាយហ្គឺរ និងកីឡាករ របស់ក្លឹបបាល់ទាត់ឡាយហ្វ ខេត្តព្រះសីហនុ។
គួររំលឹកថា ចំពោះកីឡាករឆ្នើមប្រចាំខែវិច្ឆិកា បានទៅលើកីឡាកររបស់ភ្នំពេញក្រោន ខ្សែប្រយុទ្ធ JELLE JOOST GOSELINK។ ដូច្នេះនេះជាលើកទី២ហើយ ដែលរូបគេជាប់ជាបេក្ខភាពប្រជែងពានកីឡាករឆ្នើមប្រចាំខែ។
គួរបញ្ជាក់ថា កាលពីរដូវកាលមុន សម្រាប់កីឡាករល្អប្រចាំខែ ទទួលបានម៉ូតូមួយគ្រឿង ពីម្ចាស់ឧបត្ថម្ភក្រុមហ៊ុន Suzuki Motor Co., LTD ប៉ុន្តែសម្រាប់នៅរដូវកាលថ្មី ឆ្នាំ២០២៤-២៥នេះ ក្រុមហ៊ុន Cambodian Premiere League បានសម្រេចផ្ដល់ជាទឹកប្រាក់ចំនួន ៦០០ដុល្លារវិញ៕
