Bellingham៖ ខ្ញុំជាអ្នកទទួលខុសត្រូវ បន្ទាប់ពីអង់គ្លេស បានត្រឹមជើងឯករង Euro 2024

Bellingham៖ ខ្ញុំជាអ្នកទទួលខុសត្រូវ បន្ទាប់ពីអង់គ្លេស បានត្រឹមជើងឯករង Euro 2024

ខ្សែបម្រើក្រុមតោកំណាចអង់គ្លេស និង Real Madrid កីឡាករ Jude Bellingham មានអារម្មណ៍ថា ត្រូវបានគេធ្វើបាប និងបាត់បង់ភាពរីករាយក្នុងការលេង បន្ទាប់ពីក្រុមអង់គ្លេស បានចាញ់ អេស្ប៉ាញ ក្នុងវគ្គផ្តាច់ព្រ័ត្រ Euro 2024។

Bellingham បាននិយាយថា ៖«ខ្ញុំបាត់បង់ស្នាមញញឹមរបស់ខ្ញុំ ដោយសារតែខ្ញុំមានអារម្មណ៍ថា ខ្ញុំត្រូវបានគេធ្វើបាប បើប្រៀបធៀបទៅនឹងអ្វីដែលខ្ញុំបានរួមចំណែកនៅ Euro 2024។ ខ្ញុំមានអារម្មណ៍ដូចជាខ្ញុំជាអ្នកទទួលខុសត្រូវ ខ្ញុំមិនបាត់បង់ភាពរីករាយក្នុងការលេងឱ្យ Real ទេ ព្រោះខ្ញុំជាកីឡាករដែលមានសំណាងបំផុតក្នុងពិភពលោក»។

Bellingham បានបន្តថា ៖«ខ្ញុំបានចូលរួមក្នុងគ្រាដ៏សំខាន់បំផុតមួយចំនួនរបស់ប្រទេសអង់គ្លេស ពេញមួយ Euro 2024 ហើយមានអារម្មណ៍ថា ពិភពលោកកំពុងដួលរលំ នៅក្នុងប៉ុន្មានថ្ងៃ បន្ទាប់ពីវគ្គផ្តាច់ព្រ័ត្រ។ វាមិនមែនជាអារម្មណ៍ល្អទេ ខ្ញុំគិតថាវាគ្មានការគោរពទេ »។

Bellingham លេងបានយ៉ាងល្អនៅ Euro 2024 ដោយស៊ុតបញ្ចូលទីបានមួយគ្រាប់ ក្នុងការប្រកួតបើកឆាកទល់នឹង ស៊ែប៊ី បន្ទាប់មកស៊ុតតាមស្មើនៅនាទីចុងក្រោយទល់នឹង ស្លូវ៉ាគី ក្នុងវគ្គ ១៦ក្រុម។ នៅវគ្គផ្តាច់ព្រ័ត្រ រូបគេ បានទម្លាក់បាល់ឱ្យ Cole Palmer ស៊ុតតាមស្មើ ១-១ ប៉ុន្តែអង់គ្លេស នៅតែចាញ់ ១-២ ដោយសារគ្រាប់បាល់របស់ Mikel Oyarzabal នៅនាទីទី ៨៥។

Bellingham បានចេញពី Dortmund ទៅ Real ក្នុងតម្លៃផ្ទេរ ១៤៤លានដុល្លារអាមេរិក ក្នុងរដូវក្តៅឆ្នាំ ២០២៣។ ខ្សែបម្រើសញ្ជាតិអង់គ្លេសរូបនេះ លេងបានយ៉ាងល្អ ដោយស៊ុតបាន ២៣គ្រាប់ និង assists ១៣ ដង ក្នុង ៤២ប្រកួត ក្នុងគ្រប់ការប្រកួតទាំងអស់ និងបានជួយ Real ឈ្នះ La Liga, Super Cup និង Champions League ផងដែរ កាលពីរដូវកាលមុន៕