ដឹងទេថា CEO ថ្មីរបស់ YouTube គឺជានរណា ហើយហេតុអ្វីបានជា Google ជ្រើសតាំងគាត់ឱ្យកាន់តំណែងមួយនេះ?

ដោយ៖ Volak ENN | ថ្ងៃសុក្រ ទី១៧ ខែកុម្ភៈ ឆ្នាំ២០២៣ បច្ចេកវិទ្យា

បរទេស៖ លោក Neal Moha មានដើមកំណើតជាជនជាតិឥណ្ឌា និងបានក្លាយជានាយកប្រតិបត្តិ (CEO) ថ្មីរបស់ក្រុមហ៊ុន YouTube បន្ទាប់ពីលោកស្រី Susan Wojcicki ចុះចេញពីតំណែងនៅថ្ងៃទី១៧ ខែកុម្ភៈ ឆ្នាំ២០២៣នេះ។

លោក Neal Moha នឹងក្លាយជាជនជាតិឥណ្ឌាថ្មីមួយរូបទៀតដែលបានឡើងកាន់តំណែង CEO របស់ក្រុមហ៊ុន Big Tech អាមេរិក ខណៈដែលបច្ចុប្បន្នមានដូចជា លោក Satya Nadella ជា CEO ក្រុមហ៊ុន Microsoft , លោក Shantanu Narayen ជា CEO ក្រុមហ៊ុន Adobe, លោក Sundar Pichai ជា CEO ក្រុមហ៊ុន Alphabet (Google)។

លោក Neal Moha បានបញ្ចប់ការសិក្សានៅសកលវិទ្យា Stanford University របស់សហរដ្ឋអាមេរិកលើជំនាញវិស្វករអគ្គិសនី កាលពីឆ្នាំ១៩៩៦។ ក្រោយពីបញ្ចប់ការសិក្សា លោកក៏បានចូលបម្រើការងារនៅក្នុងក្រុមហ៊ុនផ្ដល់សេវាកម្មផ្សព្វផ្សាយពាណិជ្ជកម្មអនឡាញមួយដែលមានឈ្មោះថា DoubleClick។

នៅឆ្នាំ២០០៧ ក្រុមហ៊ុន Google បានសម្រេចចិត្តទិញយក DoubleClick ក្នុងតម្លៃ ៣.១ពាន់លានដុល្លារអាមេរិក ដែលជាឱកាសថ្មីមួយសម្រាប់ Neal Moha ក្នុងការបោះជំហានចូលបម្រើការងារនៅក្នុងក្រុមហ៊ុនយក្ស Google។

លោក Neal Moha បានបម្រើការងារក្នុងតួនាទីធំៗជាច្រើននៅក្នុងក្រុមហ៊ុន Google រហូតដល់ពេលមួយក្រុមហ៊ុន Twitter បានមកចរចាឱ្យគាត់ទៅបម្រើការងារ ក្នុងមុខតំណែងជាប្រធានផ្នែកផលិតផល ប៉ុន្តែត្រូវបាន Google ដឹងរឿង និងបានផ្ដល់ប្រាក់ ១០០លានដុល្លារអាមេរិក ដល់លោក Neal Moha ដើម្បីបញ្ចុះបញ្ចូលឱ្យបន្តបម្រើការងារនៅក្នុង Google។

នៅឆ្នាំ២០១៥ ក្រុមហ៊ុន Google បានផ្ដល់តំណែងថ្មីឱ្យលោក Neal Moha ជាប្រធានផ្នែកផលិតផលនៅក្នុងក្រុមហ៊ុន YouTube ដែលជាបុត្រសម្ព័ន្ធរបស់ខ្លួន។ ក្នុងនាមជាប្រធានផលិតផល លោក Neal Moha បានដាក់ចេញនូវផលិតផលថ្មីៗជាច្រើនសម្រាប់ YouTube ដូចជា YouTube Music, YouTube TV, YouTube Premium និង YouTube Shorts ដែលកំពុងតែផ្ទុះការគាំទ្រ។

យោងតាមសេចក្ដីប្រកាសរបស់ YouTube ក៏ដូចជាសម្ដីរបស់លោកស្រី Susan Wojcicki ដែលទើបចុះចេញពីតំណែង CEO បានឱ្យដឹងថា លោក Neal Moha គឺជាធនធានក៏ល្អមួយរូប ហើយកាលដែល Google ព្យាយាមរក្សាទុកគាត់គឺជារឿងដែលល្អបំផុត ព្រោះគាត់ជាមនុស្សដែលបានជួយបង្កើតអ្វីៗថ្មីជាច្រើនដល់ក្រុមហ៊ុនសម្រាប់បង្កើនប្រាក់ចំណូល ហើយការផ្ដល់តំណែង CEO របស់ YouTube ទៅកាន់គាត់គឺជាការឆ្លើយតបដ៏ត្រឹមរបស់ក្រុមហ៊ុន Google៕

អត្ថបទទាក់ទង

យុវជនកម្ពុជាបង្ហាញការប្ដេជ្ញាចិត្តជំរុញបច្ចេកវិទ្យារ៉ូបូត បច្ចេកវិទ្យា ព័ត៌មានជាតិថ្ងៃពុធ ទី២៣ ខែតុលា ឆ្នាំ២០២៤
iPhone 15 ចំនួន៤ម៉ូដែល ត្រូវបានប្រកាសបង្ហាញជាផ្លូវការ បច្ចេកវិទ្យាថ្ងៃពុធ ទី១៣ ខែកញ្ញា ឆ្នាំ២០២៣
ភាពសំខាន់នៃការបញ្ចូលភាពច្នៃប្រឌិត ទៅលើអាជីវកម្មក្នុងសង្គមឌីជីថល បច្ចេកវិទ្យាថ្ងៃពុធ ទី៣០ ខែសីហា ឆ្នាំ២០២៣
ឧស្សាហកម្ម ៤.០៖ ម្ចាស់អាជីវកម្មគួរចេះជំនាញថ្មីៗដើម្បីជំរុញអាជីវកម្មឱ្យកាន់តែរីកចម្រើន បច្ចេកវិទ្យាថ្ងៃព្រហស្បតិ៍ ទី២៤ ខែសីហា ឆ្នាំ២០២៣
ក្រសួងប្រៃសណីយ៍ប្រាប់ឱ្យប្រជាពលរដ្ឋប្រុងប្រយ័ត្នចំពោះការបោកបញ្ឆោតតាមរយៈប្រព័ន្ធ Telegram បច្ចេកវិទ្យាថ្ងៃអង្គារ ទី២២ ខែសីហា ឆ្នាំ២០២៣
នាយកដ្ឋានប្រឆាំងបទល្មើសបច្ចេកវិទ្យាឱ្យប្រជាពលរដ្ឋដែលរងគ្រោះដោយសារកម្ចីខុសច្បាប់ ឬកម្ចីអនឡាញទាក់ទងមកខ្លួនដើម្បីមានចំណាត់ការ បច្ចេកវិទ្យាថ្ងៃព្រហស្បតិ៍ ទី៦ ខែកក្កដា ឆ្នាំ២០២៣