ទីបំផុត! Real Madrid យកបាន Kylian Mbappe

ដោយ៖ Chhan Sreyka | ថ្ងៃចន្ទ ទី៣ ខែមិថុនា ឆ្នាំ២០២៤ កីឡា

(បាល់ទាត់)៖ ក្លិបយក្សអេស្ប៉ាញ Real Madrid គ្រងនឹងប្រកាសពីការចុះហត្ថលេខាលើ តារាឆ្នើមបារាំង Kylian Mbappé លើការផ្ទេរដោយគ្មានតម្លៃខ្លួន នៅដើមសប្តាហ៍នេះ ។ នេះបើតាមការបញ្ជាក់របស់អ្នកកាសែតបាល់ទាត់ដ៏ល្បីរឿងទីផ្សារដោះដូរកីឡាករ លោក Fabrizio Romano។

បន្ទាប់ពីក្រុមស្ដេចស Real Madrid បានគ្រងជើងឯក UEFA Champions League លើកទី១៥ របស់ខ្លួន កាលពីយប់ថ្ងៃសៅរ៍ លោក Fabrizio Romano កាលពីយប់ថ្ងៃទី២ ខែមិថុនា ឆ្នាំ២០២៤ បានចុះផ្សាយថា ខ្សែប្រយុទ្ធសញ្ជាតិបារាំង កីឡាករ Kylian Mbappé គ្រោងនឹងចូលរួមជាមួយ Real Madrid ដោយគ្មានតម្លៃខ្លួន ខណៈដែលកិច្ចព្រមព្រៀងត្រូវបានចុះហត្ថលេខារួចរាល់អស់ហើយ ពោលគឺអ្វីគ្រប់យ៉ាងរង់ចាំតែការប្រកាសផ្លូវការប៉ុណ្ណោះ។

ការមកដល់របស់ Mbappé នឹងបិទបញ្ចប់ពីភាពស្រពេជ្យស្រពិលរយៈពេល ៧ឆ្នាំ របស់ Real Madrid ។ដូច្នេះ មានន័យថា PSG នឹងបាត់បង់កីឡាករម្នាក់ ដែលពួកគេបានបដិសេធសំណើរ ២០០ លានអឺរ៉ូ ពី Madrid ក្នុងឆ្នាំ ២០២១។

គួរបញ្ជាក់ថា Kylian Mbappe បានផ្ទេរពីក្រុមបាល់ទាត់ AS Monaco មកចូលរួមជាមួយក្លិប Paris Saint-Germain កាលពីថ្ងៃទី៣១ ខែសីហា ឆ្នាំ២០១៨ នៅក្នុងតម្លៃខ្លួន ១៨០លានអឺរូ។ ខ្សែប្រយុទ្ធវ័យ២៥ឆ្នាំរូបនេះ បង្ហាញខ្លួនឲ្យ PSG សរុប ២០៥ប្រកួត និងស៊ុតបញ្ចូលទីបាន ១៧៥គ្រាប់ និងបានជួយក្រុមឈ្នះជើងឯកលីគកំពូលបារាំង ៦ដង, Coupe de la Ligue ២ដង , Coupe de France ៣ដង និង French Super Cup ៣ដង៕

អត្ថបទទាក់ទង

តើព្រះខ័នរាជស្វាយរៀង អាចបញ្ចប់ភាពមិនដែលចាញ់របស់ក្រុមភ្នំពេញក្រោន បានដែរឬទេ នៅសប្ដាហ៍នេះ? កីឡាម្សិលមិញ ម៉ោង 2:54 am
សហព័ន្ធប្រដាល់គុនខ្មែរ ព្រមានជាលាយល័ក្ខអក្សរដល់កីឡាករគុនខ្មែរ ៨រូប ដែលធ្វើការប្រកួតញឹកញាប់ពេក កីឡាម្សិលមិញ ម៉ោង 0:42 am
ភ្នំពេញក្រោន PSG និង Juventus ស្ថិតក្នុងចំណោមក្រុមបាល់ទាត់មិនស្គាល់ចាញ់ទាំង ១២ របស់ពិភពលោក ក្នុងរដូវកាលនេះ កីឡាម្សិលមិញ ម៉ោង 9:31 am
សោកស្ដាយផង! ក្រុមបាល់ទាត់ព្រះខ័នរាជស្វាយរៀង អស់ឱកាសឡើងទៅកាន់វគ្គបន្ត ពានរង្វាង់ ASEAN Club Championship កីឡាម្សិលមិញ ម៉ោង 6:41 am
ឯកឧត្តម ខូវ ឆាយ ជាប់ឆ្នោតជាប្រធានសហព័ន្ធកីឡាប្រដាល់គុនខ្មែរអាណត្តិថ្មី កីឡាថ្ងៃព្រហស្បតិ៍ ទី២៣ ខែមករា ឆ្នាំ២០២៥
Haaland ថាខ្លួនមិនសោកស្ដាយឡើយ ចំពោះការបាត់បង់ឱកាសទៅចូលរួមជាមួយ Real Madrid កីឡាថ្ងៃពុធ ទី២២ ខែមករា ឆ្នាំ២០២៥