Real Madrid និង Bayern Munich បន្តឈ្នះដូចគ្នា ក្នុងការប្រកួត UCL សប្ដាហ៍ទី២
Real Madrid និង Bayern Munich បន្តឈ្នះដូចគ្នា ក្នុងការប្រកួត UCL សប្ដាហ៍ទី២
ក្រុមអធិរាជស Real Madrid និងក្រុមយក្សរបស់អាល្លឺម៉ង់ FC Bayern Munich សុទ្ធតែទទួលបាន៣ពិន្ទុដូចគ្នា ក្នុងការប្រកួតវគ្គចែកពូល UEFA Champions League សបា្តហ៍ទី២។
ការប្រកួតក្នុងពូល A គឺជាការប៉ះគ្នារវាងម្ចាស់ផ្ទះ Copenhagen និងក្រុមភ្ញៀវ FC Bayern Munich ។
ក្រុមម្ចាស់ផ្ទះជាអ្នកបេីកការនាំមុខមុន នៅនាទីទី៥៥ ដោយកីឡាករ Lukas Lerager។ ទោះបីជាយ៉ាងណាក៏ដោយ ក្រុមភ្ញៀវបានវាយបកយកឈ្នះវិញ ដោយរកបាន២គ្រាប់ ពីសំណាក់កីឡាករ Jamal Musiala នាទី ៦៧ និង Mathys Tel នាទី ៨៣។ ចប់ការប្រកួត ក្រុមភ្ញៀវ Bayern Munich បានយកឈ្នះ Copenhagen ក្នុងលទ្ធផល ២ទល់នឹង១ បន្តឈរកំពូលតារាងក្នុងពូល A មាន៦ពិន្ទុពេញ។
គួរបញ្ជាក់ថា Bayern Munich មិនទាន់ស្គាល់បរាជ័យសោះក្នុងការប្រកួតវគ្គចែកពូល UEFA Champions League ចំនួន ៣៦លេីកចុងក្រោយ។
ងាកមកចាប់អារម្មណ៍ការប្រកួតក្នុងពូល C ឯណោះវិញ គឺជាការជួបគ្នារវាងក្រុមកំពុងឡើងជើង Napoli ជាម្ចាស់ជេីងឯក UCL ១៤សម័យកាល ក្រុមស្ដេចស Real Madrid ។
ការប្រកួតដែលធ្វើឡើងក្នុងប្រទេសអ៊ីតាលី មានការស៊ុតបញ្ចូលទីគ្នរហូតដល់ ៥គ្រាប់។ កីឡាករ Leo Østigård បានជួយក្រុមម្ចាស់ផ្ទះនាំមុខមុន នៅនាទី ១៩ ប៉ុន្តែ Vinícius Júnior បានស៊ុតតាមស្មើវិញ នៅនាទី២៧ មុនពេល Jude Bellingham អូសបាល់ពីពាក់កណ្តាលស៊ុតនាំមុខក្រុមម្ចាស់ផ្ទះវិញ នៅនាទីទី៣៤។
លុះចូលដល់តង់ទី២ Piotr Zieliński រកបានគ្រាប់បាល់តាមស្មើ ២-២ នៅនាទីទី ៥៤ តាមរយៈការទាត់បាល់ពិន័យ១១ម៉ែត្រ ប៉ុន្តែខ្សែបម្រើ Federico Valverde រហស្សនាមអធិរាជក្រៅប្រអប់ទី បានស៊ុតពីចំងាយទៅបុកនឹងរបារទីហេីយមកប៉ះអ្នកចាំទី Alex Meret ចូលទីខ្លួនឯង។ ចប់ការប្រកួត Real Madrid បានយកឈ្នះម្ចាស់ផ្ទះ Inter Milan ក្នុងលទ្ធផល ៣ ទល់នឹង ២ ឈរកំពូលតារាងក្នុងពូល C មាន ៦ពិន្ទុពេញ។
គួរបញ្ជាក់ថា Real Madrid បានឈ្នះការប្រកួត UEFA Champions League ៨លើកចុងក្រោយរបស់ពួកគេនៅក្រៅដី ទល់នឹងក្រុមអ៊ីតាលី៕
