សម្តេចតេជោ ហ៊ុន សែន ៖ សម័យតេជោ គឺមានជម្រើសច្រើនសម្រាប់សិស្សានុសិស្សក្នុងការរៀនបន្ត
សម្តេចតេជោ ហ៊ុន សែន ៖ សម័យតេជោ គឺមានជម្រើសច្រើនសម្រាប់សិស្សានុសិស្សក្នុងការរៀនបន្ត
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងលើកទឹកចិត្តទៅដល់សិស្សានុសិស្សដែលប្រឡងធ្លាក់បាក់ឌុប ប្រចាំឆ្នាំ២០២២-២០២៣ កុំអស់សង្ឃឹម ត្រូវបន្តខិតខំ សិក្សា ដើម្បីទទួលបានលទ្ធផលល្អក្នុងការប្រឡងនៅឱកាសពេលក្រោយទៀត។
សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃទី០២ ខែកុម្ភៈ ឆ្នាំ២០២៣ ក្នុងឱកាសអញ្ជើញជួបសំណេះសំណាលជាមួយសិស្សនិទ្ទេសA ជាង១ពាន់នាក់ នៅមជ្ឈមណ្ឌលពាណិជ្ជកម្មជ្រោយចង្វារ(OCIC) ក្នុងរាជធានីភ្នំពេញ។
សម្ដេចតេជោ ហ៊ុន សែន ថ្លែងបន្តថា សិស្សដែលប្រឡងធ្លាក់បាក់ឌុប អាចធ្វើការជ្រើសរើសបានសម្រាប់ការរៀនបន្តដែលមានដូចជាការសិក្សាថ្នាក់បរិញ្ញាបត្ររង និងការសិក្សាថ្នាក់ជំនាញបច្ចេកទេសទូរទៅបាន នៅតាមសាលាបណ្ដុះបណ្ដាលវិជ្ជាជីវៈ បានផ្ដល់នូវចំណេះជំនាញបច្ចេកទេសដ៏សិស្សានុសិស្សដើម្បីអាចក្លាយជាធនធានមនុស្សសម្រាប់ការអភិវឌ្ឍជាតិយ៉ាងសំខាន់ផងដែរ៕
