តោះ! មកមើលពីលទ្ធផលចាប់ឆ្នោតវគ្គចែកពូល UCL តើពូលណាជាពូលមរណៈ?
តោះ! មកមើលពីលទ្ធផលចាប់ឆ្នោតវគ្គចែកពូល UCL តើពូលណាជាពូលមរណៈ?
កាលពីយប់ថ្ងៃ ព្រហស្បត៍ ទី៣១ ខែសីហាម្សិលមិញនេះ សហព័ន្ធកីឡាបាល់ទាត់អឺរ៉ុប ហៅកាត់ថា UEFA បានចាប់ឆ្នោតចែកពូលរួចរាល់ហើយ ក្នុងពានរង្វាន់ធំបំផុតប្រចាំទ្វីបអឺរ៉ុប UEFA Champions League(UCL) រដូវកាល ២០២៣/២០២៤។
ការចាប់ឆ្នោតធ្វើឡើងដូចសព្វដង ពោលគឺបានបែងចែកជា ៨ពូល ដែលមានដូចជា Group A , B, C, D, E, F, G និង Group H ។
ជាលទ្ធផលចេញមកសុទ្ធតែគូតានតឹង ព្រោះសុទ្ធតែជាក្រុមខ្លាំង ខណ:ពូល F ត្រូវបានចាត់ទុក្ខថា ជាពូលមរណៈ ព្រោះប្រជុំសុទ្ធតែជើងខ្លាំងមកពី ៤ប្រទេសផ្សេងគ្នា ដែលមានដូចជា PSG, Dortmund, AC Milan និង Newcastle United ។
ក្នុងលទ្ធផលវគ្គចែកពូលនេះ ក្រុមការពារតំណែងជើងឯកឆ្នាំចាស់ គឺក្រុមមេឃខៀវ Manchester City ប៉ះសុទ្ធតែគីឡូស្រាល ដូចជា Leipzig, Crvena Zvezda និង Young Boys ខណៈស្ដេចក្រាញ់ប្រចាំពានរង្វាន់មួយនេះ គឺក្រុមអធិរាជស Real Madrid ស្ថិតនៅក្នុងពូល C ជាមួយក្រុមកំពុងឡើងជើង Napoli និងក្រុមដែលទើបឡើងមក UCL ថ្មីថ្មោង Braga និង Union Berlin។
ខាងក្រោមនេះគឺជាលទ្ធផលចែកពូល UCL៖
Group A: Bayern, Man United, Copenhagen, Galatasaray
Group B: Sevilla, Arsenal, PSV Eindhoven, Lens
Group C: Napoli, Real Madrid, Braga, Union Berlin
Group D: Benfica, Inter Milan, Salzburg, Real Sociedad
Group E: Feyenoord, Atlético Madrid, Lazio, Celtic
Group F: PSG, Dortmund, AC Milan, Newcastle United
Group G: Man City, Leipzig, Crvena zvezda, Young Boys
Group H: Barcelona, Porto, Shakhtar Donetsk, Antwerp។
គួរបញ្ជាក់ថា គួរបញ្ជាក់ថា ពានរង្វាន់ UEFA Champion League គឺជាពានរង្វាន់កំពូលនៅអឺរ៉ុប និងល្បីល្បាញបំផុតលើពិភពលោក ដោយបង្កើតឡើងដំបូងនៅឆ្នាំ ១៩៥៥ ពោលគឺមានអាយុកាល ៦៨ឆ្នាំ ដោយ Real Madrid ឈ្នះពាននេះច្រើនជាងគេ សរុប ១៤ដង ៕
