Thomas Muller ៖ ការលេងទល់នឹង Messi យើងតែងតែទទួលលទ្ធផលល្អ ប៉ុន្តែ Ronaldo គឺជាបញ្ហារបស់យើងនៅពេលគាត់នៅ Real Madrid
![Thomas Muller ៖ ការលេងទល់នឹង Messi យើងតែងតែទទួលលទ្ធផលល្អ ប៉ុន្តែ Ronaldo គឺជាបញ្ហារបស់យើងនៅពេលគាត់នៅ Real Madrid](https://ennasia.com/wp-content/uploads/2023/03/10-03-2023-5.jpg)
កីឡាករ Thomas Muller អះអាងថា Cristiano Ronaldo បានបង្កការគំរាមកំហែងដល់ Bayern Munich ច្រើនជាង Lionel Messi បន្ទាប់ពី Paris Saint-Germain ធ្លាក់ចេញពី Champions League យ៉ាងសោកស្ដាយកាលពីម្សិលមិញ។
បន្ទាប់ពីការឈ្នះលើ PSG ខ្សែបម្រើឆ្នើមរបស់ Bayern Munich កីឡាករ Thomas Muller បានអះអាងថា Ronaldo បានធ្វើឱ្យក្រុមរបស់គាត់មានបញ្ហាកាន់តែច្រើននៅក្នុងក្របខ័ណ្ឌ Champions League ក្នុងរយៈពេលមួយទសវត្សរ៍កន្លងមកនេះ ប៉ុន្តែបានអះអាងថា Messi មិនមែនជាឧបសគ្គឡើយសម្រាប់ Bayern ទោះបីជាគេលេងឲ្យក្រុមណាក៏ដោយ។
Muller បាននិយាយចំៗ បន្ទាប់ពីការឈ្នះរបស់ Bayern លើ PSG ថា ៖« “ការលេងទល់នឹង Lionel Messi អ្វីៗតែងតែដំណើរការល្អនៅគ្រប់កម្រិតទាក់ទងនឹងលទ្ធផល។ នៅកម្រិតក្លឹប Cristiano Ronaldo គឺជាបញ្ហារបស់យើងនៅពេលគាត់នៅ Real Madrid »។
ទោះបីជាយ៉ាងណាក៏ដោយ Muller ក៏បានកើតសរសើរ និងគោរពយ៉ាងខ្លាំងបំផុត ចំពោះទម្រង់លេងដ៏ល្អរបស់ Messi នៅ World Cup ២០២២ ក្នុងប្រទេសកាតា៕