Real Madrid លើកពាន Intercontinental Cup ក្នុងប្រទេសកាតា

Real Madrid លើកពាន Intercontinental Cup ក្នុងប្រទេសកាតា

ក្លិបអធិរាជស Real Madrid បានឈ្នះពាន Intercontinental Cup បន្ទាប់ពីយកឈ្នះក្រុមខ្លាំងរបស់ម៉ិកស៊ិក Pachuca ក្នុងលទ្ធផល ៣-0 នៅវគ្គផ្តាច់ព្រ័ត្រ កាលពីយប់មិញនេះ ដោយស៊ុតបញ្ចូលទី ពីសំណាក់កីឡាករ Kylian Mbappe, Rodrygo និង Vinicius Jr ។

ការប្រកួតដែលធ្វើឡើងនៅកីឡដ្ឋាន Lusail ក្នុងប្រទេសកាតា ក្រុមអធិរាជស Real Madrid ស្ទៀតែគ្រប់គ្រងការប្រកួតទាំងមូលទៅហើយ ដោយយកឈ្នះក្រុម Pachuca យ៉ាងងាយស្រួល ក្នុងលទ្ធផល ៣-០។ ក្រុមម្ចាស់ជើងឯក Champions League បានបើកការស៊ុតបញ្ចូលទីនៅនាទីទី ៣៧ ដោយកីឡាករ Mbappe ។ Rodrygo បានបន្ថែមការនាំមុខរបស់ពួកគេ នៅនាទីទី៥២ មុនពេលដែល Vinicius Jr ដែលទើបតែឈ្នះ ពានរង្វាន់ FIFA Best Player of the Year ស៊ុតបាល់ប៉េណាល់ទី នៅនាទី ៨៣ ដែលជាគ្រាប់បាល់ចុងក្រោយ ក្នុងការប្រកួតនេះ។

តាមរយៈជ័យជំនះនេះ បានធ្វើឲ្យលោក Carlo Ancelotti បង្កើតប្រវត្តិសាស្ត្រថ្មីជាមួយក្លិប ដោយបានឈ្នះពានរង្វាន់ចំនួន ១៥ ជាមួយ Real Madrid។ គួរបញ្ជាក់ថា Real Madrid បានឈ្នះពានរង្វាន់ Intercontinental Cup សរុបចំនួន ៣ដង និង Club World Cup ចំនួន៥ដង៕