ប្រវត្តិសាស្ត្រថ្មី! ក្រុមកីឡាការិនី Esports កម្ពុជា ឈ្នះមេដាយប្រាក់ ក្នុងព្រឹត្តិការណ៍ប្រកួតកីឡាអេឡិចត្រូនិក ជើងឯកពិភពលោក
ប្រវត្តិសាស្ត្រថ្មី! ក្រុមកីឡាការិនី Esports កម្ពុជា ឈ្នះមេដាយប្រាក់ ក្នុងព្រឹត្តិការណ៍ប្រកួតកីឡាអេឡិចត្រូនិក ជើងឯកពិភពលោក
ក្រុមកីឡាការិនីអេឡិចត្រូនិកកម្ពុជា បានបង្កើតប្រវត្តិសាស្ត្រថ្មី ដោយទទួលបានមេដាយប្រាក់ ក្នុងព្រឹត្តិការណ៍ប្រកួតកីឡាអេឡិចត្រូនិក ជើងឯកពិភពលោក លើកទី១៦ (World Esports Championship 2024) វិញ្ញាសា Mobile Legends: Bang Bang ផ្នែកនារី បន្ទាប់ពីចាញ់ក្រុមខ្លាំងឥណ្ឌូនេស៊ី ក្នុងលទ្ធផល ០-២ ក្នុងវគ្គផ្តាច់ព្រ័ត្រ។
មុនឡើងមកដល់វគ្គនេះ ក្រុមកីឡាការិនី Esports កម្ពុជា បានយកឈ្នះ ក្រុមនារីអ៊ុយក្រែន ដោយលទ្ធផល ២-០ ក្នុងវគ្គពាក់កណ្តាលផ្តាច់ព្រ័ត្រ Lower Bracket មុនពេលប្រកួតចាញ់ ឥណ្ឌូនេស៊ី ក្នុងលទ្ធផល ០-២ ក្នុងវគ្គផ្តាច់ព្រ័ត្រ។
កាលវគ្គសន្សំពិន្ទុក្នុងពូល ក្រុមនារីកម្ពុជា ពិតជាធ្វើបានល្អមែនទែន ពោលគឺ ឈ្នះ ៤ប្រកួត និងចាញ់១ ស្ថិតនៅចំណាត់ថ្នាក់លេខ២ ក្នុងពូល B។ បរាជ័យមួយប្រកួតរបស់ក្រុមនារីកម្ពុជា គឺក្រោមថ្វីដៃ អ៊ុយក្រែន ដោយលទ្ធផល ០-១ ដែលបានធ្វើឲ្យក្រុមមកពីតំបន់អឺរ៉ុបមួយទទួលបានចំណាត់ថ្នាក់លេខ១ ក្នុងពូល B។
យ៉ាងណា ក្រុមទាំងពីរបានជួបគ្នាជាថ្មីនៅវគ្គ Lower Bracket ដែលធ្វើឲ្យក្រុមនារីកម្ពុជា សងសឹកបានសម្រេច និងបានឡើងទៅកាន់វគ្គពាក់កណ្តាលផ្តាច់ព្រ័ត្រ ដែលមានតែ៣ក្រុម។
ខាងក្រោមនេះ ជាតារាងចំណាត់ថ្នាក់ក្នុងព្រឹត្តិការណ៍ប្រកួតកីឡាអេឡិចត្រូនិក ជើងឯកពិភពលោក លើកទី១៦៖
លេខ១ ឥណ្ឌូនេស៊ី មេដាយមាស ទទួលបាន ៥ម៉ឺនដុល្លារ
លេខ២ កម្ពុជា មេដាយប្រាក់ ទទួលបាន ២,៥ម៉ឺនដុល្លារ
លេខ៣ អេហ្ស៊ីប មេដាយសំរិទ្ធ ទទួលបាន ១,៥ម៉ឺនដុល្លារ
លេខ៤៖ អ៊ុយក្រែន ទទួលបាន ១ម៉ឺនដុល្លារ
លេខ៥៖ នេប៉ាល់ ទទួលបាន ៧៥០០ដុល្លារ
លេខ៦៖ អារ៉ាប៊ីសាអ៊ូឌីត ៧៥០០ដុល្លារ
លេខ៧៖ អ៊ូបេគីស្ថាន ទទួលបាន ២៥០០ដុល្លារ
លេខ៨៖ អាហ្សង់ទីន ទទួលបាន ២៥០០ដុល្លារ
លេខ៩៖ ហ្គាតេម៉ាឡា
លេខ១០៖ ម៉ុងហ្គោលី
លេខ១១៖ អារ៉ាប់រួម
លេខ១២៖ កូឡុំប៊ី ៕
