គ្រូបង្វឹកវៀតណាម ទៅមើលការប្រកួតរបស់ឥណ្ឌូនេស៊ី និងហ្វីលីពីន មុនជួបគ្នានៅ AFF Cup 𝟮𝟬𝟮𝟰
គ្រូបង្វឹកវៀតណាម ទៅមើលការប្រកួតរបស់ឥណ្ឌូនេស៊ី និងហ្វីលីពីន មុនជួបគ្នានៅ AFF Cup 𝟮𝟬𝟮𝟰
គ្រូបង្វឹកក្រុមជម្រើសជាតិវៀតណាម លោក Kim Sang-sik គ្រោងទៅមើលការប្រកួតរបស់ក្រុមឥណ្ឌូណេស៊ី និងហ្វីលីពីន ក្នុងការប្រកួតខាងមុខរបស់ពួកគេ ដើម្បីជាការត្រៀមខ្លួន និងមើលពីយុត្តសាស្រ្តរបស់គូប្រកួត មុនជួបគ្នា 𝗔𝗦𝗘𝗔𝗡 𝗠𝗶𝘁𝘀𝘂𝗯𝗶𝘀𝗵𝗶 𝗘𝗹𝗲𝗰𝘁𝗿𝗶𝗰 𝗖𝘂𝗽 𝟮𝟬𝟮𝟰 ។
យោងតាមការចេញផ្សាយរបស់កាសែត Vietnam Express លោក Kim Sang-sik នឹងចូលរួមទស្សនាការប្រកួតមិត្តភាពរវាង ហុងកុង និងហ្វីលីពីន នៅថ្ងៃទី ១៤ ខែវិច្ឆិកា ហើយបន្ទាប់មក លោកនឹងធ្វើដំណើរទៅប្រទេសឥណ្ឌូនេស៊ី ដើម្បីទស្សនាការប្រកួតរវាង ឥណ្ឌូនេស៊ី និងជប៉ុន នៅថ្ងៃទី ១៥ ខែវិច្ឆិកា ក្នុងពូល C នៃការប្រកួតវគ្គជម្រុះជុំទី៣ ពានរង្វាន់ពិភពលោកឆ្នាំ ២០២៦។
មែនទែនទៅ ទាំង ឥណ្ឌូណេស៊ី និងហ្វីលីពីន គឺជាគូប្រជែងជាមួយវៀតណាម ក្នុងពូល B នៃពានរង្វាន់ AFF Cup 2024 ដែលរួមមាន ឡាវ និងមីយ៉ាន់ម៉ា ផងដែរ។
វត្តមានរបស់គ្រូបង្វឹក Kim នៅក្នុងការប្រកួតទាំងនេះនឹងអនុញ្ញាតឱ្យគាត់ទទួលបានការវិភាគលម្អិតបន្ថែមទៀតអំពីគូប្រកួត ក្រៅពីរូបភាពនៃការប្រកួតថ្មីៗរបស់ពួកគេ។
ក្រុមជម្រើសជាតិវៀតណាម គ្រោងនឹងប្រមូលផ្តុំនៅថ្ងៃទី ២១ ខែវិច្ឆិកា បន្ទាប់មកធ្វើដំណើរទៅកាន់ប្រទេសកូរ៉េខាងត្បូង សម្រាប់ការបោះជំរុំហ្វឹកហាត់រយៈពេល ១០ថ្ងៃ ដែលរួមមានការប្រកួតជាមួយក្លឹបក្នុងស្រុកកូរ៉េ មុនពេលធ្វើដំណើរទៅកាន់ប្រទេសឡាវ សម្រាប់ការប្រកួតបើកឆាក AFF Cup នៅថ្ងៃទី ១០ ខែធ្នូ។ ការរៀបចំនេះគឺស្រដៀងគ្នាទៅនឹងវិធីសាស្រ្ត ដែលបានប្រើមុនយុទ្ធនាការ AFF Cup 2018 របស់វៀតណាម ដែលទទួលបានជោគជ័យ ក្រោមការដឹកនាំរបស់គ្រូបង្វឹក Park Hang-seo។
វៀតណាមត្រូវបានគេរំពឹងថា នឹងដាក់ក្រុមខ្លាំងបំផុតរបស់ពួកគេ ខណៈដែលឥណ្ឌូណេស៊ី និងហ្វីលីពីន ទំនងជានឹងគ្មានកីឡាករដែលមានមូលដ្ឋាននៅអឺរ៉ុបច្រើននាក់ ខណៈឥណ្ឌូនេស៊ី អាចនឹងអវត្តមានកីឡាករសំខាន់រហូតដល់១៦នាក់
គួររំលឹកថា ថ្មីៗនេះ វៀតណាម បានយកឈ្នះហ្វីលីពីន ចំនួន២ដង ក្នុងជុំទីពីរ នៃវគ្គជម្រុះ World Cup 2026 ប៉ុន្តែបានចាញ់ ឥណ្ឌូនេស៊ី ៣ដងជាប់គ្នា ក្នុងវគ្គចែកពូល Asian Cup 2023 និងជុំទី២ នៃវគ្គជម្រុះ World Cup 2026។
គួរបញ្ជាក់ថា សម្រាប់ពានរង្វាន់ AFF Cup 2024 នឹងចាប់ផ្ដើមពីថ្ងៃទី ៨ ខែធ្នូ ឆ្នាំ ២០២៤ ដល់ថ្ងៃទី ៥ ខែមករា ឆ្នាំ ២០២៥ ដោយមានក្រុមចំនួន ១០ ចែកចេញជាពីរពូល(A និង B)។ ក្រុមនីមួយៗ នឹងលេងការប្រកួតក្នុងផ្ទះ និងក្រៅដីចំនួនពីរ ដើម្បីយក២ក្រុម ក្នុងមួយពូល លេងវគ្គពាក់កណ្តាលផ្តាច់ព្រ័ត្រ។ វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ៕
