ក្រុមគោព្រៃកម្ពុជា នឹងប្រកួតមិត្តភាពអន្តរជាតិជាមួយ ហុងកុង នៅថ្ងៃ FIFA Day
ក្រុមគោព្រៃកម្ពុជា នឹងប្រកួតមិត្តភាពអន្តរជាតិជាមួយ ហុងកុង នៅថ្ងៃ FIFA Day
ក្រុមបាល់ទាត់ជម្រើសជាតិកម្ពុជា នឹងត្រូវប៉ះជាមួយក្រុមជម្រើសជាតិហុងកុង ក្នុងការប្រកួតមិត្តភាពអន្តរជាតិ នៅខែកញ្ញា ខាងមុខនេះ ដែលអាចប្រព្រឹត្តិទៅចន្លោះពីថ្ងៃទី៤ ដល់ទី១២ ខែកញ្ញា ។
ទោះបីជាយ៉ាងណាក៏ដោយ ចំពោះទីតាំងប្រកួត និងកាលបរិច្ឆេទប្រកួតផ្លូវការ សហព័ន្ធកីឡាបាល់ទាត់កម្ពុជា មិនទាន់បានបញ្ជាក់នៅឡើយទេ ខណៈដែល FIFA Days នឹងធ្វើឡើងចន្លោះពីថ្ងៃទី ៤ ដល់ថ្ងៃទី១២ខែកញ្ញា ឆ្នាំ ២០២៣នេះ។
មែនទែនទៅ ការប្រកួតមិត្តភាពកម្តៅសាច់ដុំអន្តរជាតិជាមួយក្រុមជម្រើសជាតិហុងកុងនេះ អាចថាជាឱកាសដ៏ល្អមួយសម្រាប់កម្ពុជា ដើម្បីពង្រឹងសមត្ថភាពក្រុម ក្នុងការត្រៀមខ្លួនសម្រាប់ការប្រកួតជម្រុះជើងឯកពិភពលោក World Cup ឆ្នាំ២០២៦។
ការប្រកួតជម្រុះជើងឯកពិភពលោក World Cup ឆ្នាំ២០២៦ ក្រុមជម្រើសជាតិកម្ពុជា ត្រូវជួបជាមួយប៉ាគីស្ថាន ជើងទី១ នៅថ្ងៃទី១២ ខែតុលា នៅទឹកដីកម្ពុជា និងជើងទី២ នៅថ្ងៃទី១៧ ខែតុលា ឆ្នាំ២០២៣។
គួរបញ្ជាក់ថា ក្រុមជម្រើសជាតិកម្ពុជា មានចំណាត់ថ្នាក់លេខ ១៧៦ នៅ FIFA Ranking ខណៈហុងកុង មានស្ថិតិល្អជាងកម្ពុជា ដោយឈរនៅលេខរៀងទី ១៤៩ ពោលគឺនៅក្រោមកម្ពុជាចំនួន ២៧លេខ៕
