Ten Hag នឹងជ្រើសរើសប្រធានក្រុម Man Utd ដោយខ្លួនឯង ដោយមិនឲ្យកីឡាករបោះឆ្នោតនោះទេ
Ten Hag នឹងជ្រើសរើសប្រធានក្រុម Man Utd ដោយខ្លួនឯង ដោយមិនឲ្យកីឡាករបោះឆ្នោតនោះទេ
គ្រូបង្វឹកដ៏មានឥទ្ធិពល លោក Erik Ten Hag នឹងសម្រេចចិត្តដោយខ្លួនឯងក្នុងការជ្រើសរើសប្រធានក្រុម Man Utd សម្រាប់រដូវកាល ២០២៣-២៤ ជំនួសឱ្យការអនុញ្ញាតឱ្យកីឡាករបោះឆ្នោត ។
លោក Ten Hag បាននិយាយបែបនេះ បន្ទាប់ពីការប្រកួតមិត្តភាពទល់នឹង Leeds 2-0 នៅទីក្រុង Oslo ប្រទេសន័រវេស កាលពីថ្ងៃទី១២ ខែកក្កដា។
នៅពេលសួរអំពីដំណែងប្រធានក្រុម Man Utd នៅរដូវកាលក្រោយនេះ លោក Ten hag បាននិយាយដូច្នេះថា៖ “ទេ ខ្ញុំមិនអនុញ្ញាតឱ្យកីឡាករបោះឆ្នោតទេ” ។
គួររម្លឹកថា Harry Maguire បានក្លាយជាប្រធានក្រុម Man Utd ចាប់តាំងពីខែមករា ឆ្នាំ២០២០ បន្ទាប់ពីចូលរួមជាមួយ Man United ក្នុងតម្លៃបំបែកកំណត់ត្ រាសម្រាប់ខ្សែការពារកណ្តាលចំនួន ៩៧លានដុល្លារក្នុងឆ្នាំ ២០១៩។ ប៉ុន្តែគាត់បានបាត់បង់ឥទ្ធិពលបន្តិចម្តងៗ ដោយសារការធ្លាក់ទម្រង់លេង រហូតបាត់បង់ដំណែង ១១នាក់ដំបូង។ មែនទែនទៅ Maguire នៅសល់កុងត្រារយៈពេល ២ឆ្នាំទៀត ហើយស្ថិតក្នុងបញ្ជីកីឡាសម្រាប់លក់ របស់ Man Utd នៅរដូវក្តៅនេះ។
បើតាមកាសែតអង់គ្លេស Sportmail បានអធិប្បាយថា Ten Hag នឹងតែងតាំង Bruno Fernandes ជាប្រធានក្រុម Man Utd ចាប់ពីរដូវកាលក្រោយ ដោយមិនគិតពីអនាគតរបស់ Maguire។ យ៉ាងណាមិញ ក្នុងការប្រកួតមិត្តភាពលើកដំបូងជាមួយ Leeds ខ្សែការពារ Raphael Varane បានរក្សាតំណែងប្រធានក្រុម Man Utd ។
បន្ទាប់ពីចប់ការប្រកួត ខ្សែបម្រើសញ្ជាតិបារាំងបាននិយាយថា៖ «វាជាកិត្តិយសដែលបានក្លាយជាប្រធានក្រុម Man Utd។ ខ្ញុំមិនគិតថា វាជាការប្រកួតមិត្តភាពទេ ព្រោះយើងតែងតែចង់ឈ្នះ ហើយកីឡាករក្មេង ៗបានបំពេញការងារបានយ៉ាងល្អ ហើយយើងនឹងបន្តប្រឹងប្រែង ដើម្បីត្រៀមខ្លួនសម្រាប់រដូវកាលក្រោយ»។
ជាញឹកញ៉ាប់ Ten Hag បានសរសើរ Varane ថា ជាកីឡាករលំដាប់កំពូលដែ លមានបុគ្គលិកលក្ខណៈអស្ចារ្យ ដោយបានជោគជ័យជាច្រើននៅ Real Madrid និងក្រុមជម្រើសជាតិបារាំង ហើយទទួលបានការគោរពពីសមាជិក Man Utd ទាំងអស់៕
