អស្ចារ្យណាស់! ក្រុមបាល់ទះជម្រើសជាតិកម្ពុជាសាងប្រវត្តិសាស្រ្តថ្មី ក្រោយទម្លាក់ថៃនៅវគ្គពាក់កណ្ដាលផ្ដាច់ព្រ័ត្រ
អស្ចារ្យណាស់! ក្រុមបាល់ទះជម្រើសជាតិកម្ពុជាសាងប្រវត្តិសាស្រ្តថ្មី ក្រោយទម្លាក់ថៃនៅវគ្គពាក់កណ្ដាលផ្ដាច់ព្រ័ត្រ
(បាល់ទះ)៖ ដូចដែលប្រិយមិត្តអ្នកស្នេហាវិស័យកីឡាបាល់ទះបានដឹងហហើយពីការប្រកួតដ៏ជក់ចិត្ត និងព្រឺព្រួច រវាងក្រុមបាល់ទះជម្រើសជាតិកម្ពុជាជាមួយក្រុមជម្រើសជាតិថៃក្នុងវគ្គពាក់កណ្ដាលផ្ដាច់ព្រ័ត្រកាលពីយប់មិញ ដោយក្រុមម្ចាស់ផ្ទះកកម្ពុជាបានវាយបកយកឈ្នះ ថថៃយ៉ាងមិនគួរឲ្យជជឿក្នុងលទ្ធផល ៣ ទល់ ២សិត ក្រោមក្រសែភ្នែកអ្នកទស្សនាផ្ទាល់ជាង៥ពាន់នាក់។
ជាមួយនឹងលទ្ធផលដ៏គាប់ប្រសើរនេះ បានជួយឱ្យកម្ពុជាសាងប្រវត្តិសាស្រ្តថ្មី ដោយឡើងទៅកាន់វគ្គផ្ដាច់ព្រ័ត្រក្នុងព្រឹត្តិការណ៍ស៊ីហ្គេម ខណៈកម្ពុជា មិនដែលធ្លាប់ឡេីងមកដល់វគ្គនេះឡេីយចាប់តាំងពីស៊ីហ្គេមបង្កើតឡេីង ។ តាមរយៈជ័យជម្នះដ៏អស្ចារ្យនេះ បានសបញ្ជាក់ឲ្យឃើញថា វិស័យកីឡាបាល់ទះកម្ពុជាកាន់រីកចម្រើនខ្លាំងពីមួយឆ្នាំទៅមួយឆ្នាំ ក្រោយពីឈ្នះមេដាយសំរឹទ្ធ ក្នុងព្រឹត្តិការណ៍ស៊ីហ្គេមលើកទី៣១ ដែលវៀតណាមធ្វេីជាម្ចាស់ផ្ទះ។
ភារកិច្ចបន្ទាប់ គឺក្រុមបាល់ទះជម្រើសជាតិកម្ពុជា នឹងត្រូវជួបតទល់ជាមួយម្ចាស់ជើងឯកស៊ីហ្គេម១១សម័យកាល គឺក្រុមជម្រើសជាតិឥណ្ឌូនេស៊ី ក្នុងវគ្គផ្ដាច់ព្រ័ត្រដណ្ដើមមេដាយមាស ខណៈកម្ពុជា ធ្លាប់ប៉ះគ្នារួចមកហើយនៅវគ្គសន្សំពិន្ទុក្នុងពូល A ដោយកម្ពុជា ចាញ់ឥណ្ឌូនេស៊ី ៣ទល់ ០សិត។ ជាមួយគ្នានេះដែរ ជម្រើសជាតិថៃ បន្ទាប់ពីចាញ់កម្ពុជា នឹងត្រូវប៉ះគ្នាជាមួយនិងក្រុមជម្រើសជាតិវៀតណាម ដណ្ដើមមេដាយសំរឹទ្ធ។
គួរបញ្ជាក់ថា ការប្រកួតវគ្គផ្ដាច់ព្រ័ត្រ នឹងធ្វើឡើងនៅថ្ងៃទី៨ ខែឧសភានេះ វេលាម៉ោង ០៧:៣០នាទីដដែលនាពហុកីឡដ្ថានជាតិអូឡាពិក។ ដូច្នេះសូមបងប្អូនកម្ពុជាទាំងអស់គ្នាទៅទស្សនាឱ្យបានច្រើនកុះករ ដើម្បីលើកទឹកចិត្តកីឡាករ នឹងឈនទៅរកការសាងប្រវត្តិសាស្ត្រថ្មីជាមួយគ្នា៕
