៥យ៉ាង សម្រាប់ស្ត្រីដើម្បីមានសុខភាពល្អ ខណ:ពេលមានគភ៌

ដោយ៖ Volak ENN | ថ្ងៃចន្ទ ទី៣ ខែមេសា ឆ្នាំ២០២៣ សុខភាព

ការដែលមានសុខភាពល្អ គឺពិតជារឿងមួយចាំបាច់ណាស់សម្រាប់ស្រ្តីមានគភ៌ មានន័យថា នៅពេលអ្នកម្តាយមានសុខភាពល្អរឹងមាំហើយនោះ ជីវិតតូចមួយនៅក្នុងផ្ទៃ ក៏នឹងមានការវិវឌ្ឍចម្រើនធំធាត់ល្អតាមអាយុគភ៌របស់អ្នកម្តាយដែរ។ ដូច្នេះហើយទើបយើងសង្កេតឃើញថា លោកវេជ្ជបណ្ឌិតតែងតែណែនាំឱ្យអនាគតអ្នកម្តាយដែលកំពុងមានផ្ទៃពោះទាំងឡាយឱ្យឧស្សាហ៍ព្យយាមមើលថែទាំខ្លួនឯង ទាំងក្នុងរឿងសុខភាពកាយ ទាំងរឿងផ្លូវចិត្ត និងការរស់នៅទៀតផង។ ឥឡូវនេះ យើងនាំគ្នាមកមើលថា តើវិធីឆ្ពោះទៅរកការមានសុខភាពល្អនោះ អាចធ្វើបានតាមវិធីណាខ្លះ?។

១- ស្រ្តីមានគភ៌ គួរទទួលទានបន្លែ ផ្លែឈើ អាហារស៊ីរៀល(Cereal) បាយអង្ករស្រូវសាលី គ្រាប់ធញ្ញជាតិ និងអាហារកាកសរសៃឱ្យបានច្រើន ដើម្បីចៀសវាងពីអាការទល់លាមក ព្រោះអ័រម៉ូនដែលប្រែប្រួល នឹងមានផលប៉ះពាល់ដល់ពោះវៀនធំរបស់អ្នកម្តាយ តែអាហារដែលមានជាតិកាកសរសៃច្រើនអាចជួយក្នុងរឿងនេះបានច្រើន។

២- ស្ត្រីមានគភ៌ ត្រូវទទួលបានសារធាតុដែកពីសាច់សត្វ យ៉ាងហោចណាស់ក្នុង ១សប្តាហ៍ ៣ដង ដែលមិនចាំបាច់ទទួលទានច្រើនពេកទេ តែឱ្យគ្រប់គ្រាន់នឹងតម្រូវការរបស់រាងកាយ ហើយសារធាតុដែកដែលមាននៅក្នុងបន្លែនេះ ជាប្រភេទដែលមិនមែនជា អេម៉ូគ្លោប៊ីនដែលធ្វើឱ្យរាងកាយពិបាកបឺតជ្រាបទេ។

៣- ដើម្បីជួយបង្កើនដល់ខួរក្បាលរបស់ទារក ស្ត្រីមានគភ៌ត្រូវទទួលទានជាតិអាស៊ីតខ្លាញ់ អូមេហ្កា៣ តែចូរចៀសវាងសត្វក្នុងទឹកដែលមានសម្បក ប្រភេទ គ្រំ ងាវ ជាដើម ព្រោះវានឹងបង្កឱ្យកើតមានគ្រោះថ្នាក់ដល់ទាំងអ្នកម្តាយ និងកូនតូចនៅក្នុងផ្ទៃ ដែលអាចនឹងឆ្លងមេរោគបាត់តេរី លីស្តេរីបាន។

៤- បើស្ត្រីមានគភ៌លំបាកវេទនាជាមួយអាការក្អួតចង្អោរ ចូរទទួលទានមើមខ្ញី ព្រោះខ្ញីអាចជួយកែបញ្ហាក្អួតចង្អោរបានប្រសើរណាស់ ដោយហាន់មើមខ្ញីស្រស់ៗបែបស្តើងៗ រួចដាក់ចូលទៅក្នុងទឹកក្តៅឧណ្ហៗ ហើយយកមកពិសា។

៥- ស្ត្រីមានគភ៌ត្រូវទទួលបានជាតិ ភ្លូអរ៉ាយដ៍ឱ្យបានគ្រប់គ្រាន់ ព្រោះវាសំខាន់ដល់ការដុះលូតលាស់នៃធ្មេញរបស់ទារក៕

អត្ថបទទាក់ទង

ការស្រាវជ្រាវ : យុវវ័យដែលចូលចិត្តចំណាយពេល៥ម៉ោងក្នុងមួយថ្ងៃលើបណ្ដាញសង្គម ងាយកើតជំងឺផ្លូវចិត្ត សុខភាពថ្ងៃពុធ ទី២៤ ខែឧសភា ឆ្នាំ២០២៣
យោងតាមការសិក្សាស្រាវជ្រាវមួយដោយក្រុមអ្នកជំនាញអាមេរិកបានបង្ហាញថា មនុស្សពេញវ័យដែលផឹកទឹកមិនបានគ្រប់គ្រាន់ អាចប្រឈមនឹងការចាស់មុនអាយុ ហើយថែមទាំងអាចឈានទៅរកហានិភ័យខ្ពស់កើតជំងឺ រ៉ាំរ៉ៃ នាំឱ្យ ឆាប់ស្លាប់មុនអាយុទៀតផង។ សុខភាពថ្ងៃចន្ទ ទី១៥ ខែឧសភា ឆ្នាំ២០២៣
ឈឺឆ្អឹងខ្នងរាល់ថ្ងៃ បើមិនព្យាបាលទេប្រយ័ត្នអាសន្នធំ សុខភាពថ្ងៃអង្គារ ទី៩ ខែឧសភា ឆ្នាំ២០២៣
ស្វែងយល់ពីជំងឺស្ទះសរសៃឈាមបេះដូង វិធីបង្ការ និងការព្យាបាល សុខភាពថ្ងៃសុក្រ ទី៥ ខែឧសភា ឆ្នាំ២០២៣
ស្វែងយល់ពីរោគសញ្ញាជំងឺលើសឈាម និងមូលហេតុបង្កឡើង សុខភាពថ្ងៃអង្គារ ទី២ ខែឧសភា ឆ្នាំ២០២៣
ក្រសួងសុខាភិបាលអំពាវនាវឲ្យមានការប្រុងប្រយ័ត្នខ្ពស់ការពារសុខភាពក្នុងអាកាសធាតុក្ដៅខ្លាំង សុខភាពថ្ងៃព្រហស្បតិ៍ ទី២៧ ខែមេសា ឆ្នាំ២០២៣