មានរឿងត្រូវនិយាយគ្នាហើយ! ក្រុមមេឃខៀវ Man City បន្តបរាជ័យ ក្រោមថ្វីជើងហង្សក្រហម Liverpool
មានរឿងត្រូវនិយាយគ្នាហើយ! ក្រុមមេឃខៀវ Man City បន្តបរាជ័យ ក្រោមថ្វីជើងហង្សក្រហម Liverpool
ក្រុមការពារតំណែងជើងឯកមេឃខៀវ Manchester City ក្រោមការដឹកនាំដោយគ្រូបង្វឹក លោក Pep Guardiola បានបន្ត ៤ប្រកួតជាប់គ្នា នៅ Premier League បន្ទាប់ពីបរាជ័យក្រោមថ្វីជើងក្រុមកំពុងឡើងជើងហង្សក្រហម Liverpool ដោយលទ្ធផល ២-០ នៅ Anfield ។
ការប្រកួតដែលធ្វើឡើងក្រោមក្រសែភ្នែកអ្នកទស្សនាផ្ទាល់ជាង ៦ម៉ីននាក់ នៅឯកីឡដ្ឋាន Anfield របស់ Liverpool ក្រោមម្ចាស់ផ្ទះ ស៊ុតសរុបចំនួន ២០ជើង ចំគោលដៅ ៧ជើង រកបាន ២គ្រាប់ ខណៈក្រុម Man City ធ្លាប់តែជាក្រុមខ្លាំងស៊ុតមកលើ Liverpool បានតែ ៨ជើងប៉ុណ្ណោះ ហើយចំគោដៅតែ ២ជើងគត់ និងមិនអាចរកគ្រាប់បាល់បានឡើយ។
ឆ្លងកាត់តាមរយៈលទ្ធផល ការប្រកួតកាលពីយប់មិញនេះ ក្រុម Liverpool ក្រោមការដឹកនាំរបស់លោក Arne Slot នៅបន្តឈរកំពូលតារាងមាន ៣៤ពិន្ទុ តាមពីក្រោយដោយ ក្រុមកាំភ្លើងធំ Arsenal និងតោខៀវ Chelsea មាន ២៥ពិន្ទុដូចគ្នា ខណៈ Man City ធ្លាក់ទៅលេង៥ មាន ២៣បិន្ទុ ដោយតាមពីក្រោយក្រុមកំពូលតារាង ១១ពិន្ទុ។
មែនទែនទៅ មួយរយៈពេលចុងក្រោយនេះ ក្រុមការពារតំណែងជើងឯក Man City កំពុងធ្លាក់ទម្រង់យ៉ាងខ្លាំង ដោយ ៧ប្រកួតចុងក្រោយនេះ មិនទាន់ទទួលបានជ័យជំនះឡើយ ពោលគឺចាញ់ ៦និងស្មើ១ គិតគ្រប់កម្មវិធី ក្នុងនោះ បរាជ័យធំបំផុត គឺចាញ់ Sporting CP ៤-១ នៅ Champion League និងចាញ់ Spurs ៤-0 នៅ Premier League ។
វាជាលើកទីមួយហើយ ក្នុងអាជីពជាគ្រូបង្វឹកដ៏អស្ចារ្យរបស់លោក Guardiola ដែលគាត់បានចាញ់ការប្រកួតលីកចំនួន៤ជាប់ៗគ្នា។ កាលពីយប់មិញនេះ អ្នកគាំទ្រក្រុមហង្សក្រហម ក៏បានចំអកឱ្យលោក Guardiola ជាមួយនឹងពាក្យថា “អ្នកនឹងត្រូវបណ្តេញចេញនៅពេលព្រឹក” ហើយគាត់បានតបទៅពួកគេវិញ ប្រើលើកម្រាមដៃប្រាំមួយ ដោយចង់បញ្ជាក់ថា គាត់បានឈ្នះពានរង្វាន់ Premier League ចំនួន ៦ដងមកហើយ៕
