ចំណាប់អារម្មណ៍របស់គ្រូ Pep Muñoz មុន ព្រះខ័នរាជស្វាយរៀង ប៉ះ SP Falcons FC រសៀលនេះ
ចំណាប់អារម្មណ៍របស់គ្រូ Pep Muñoz មុន ព្រះខ័នរាជស្វាយរៀង ប៉ះ SP Falcons FC រសៀលនេះ
នៅរសៀលថ្ងៃពុធ ទី៣០ ខែតុលា ឆ្នាំ២០២៤ ក្រុមព្រះខ័នរាជស្វាយរៀង តំណាងឲ្យកម្ពុជា នឹងត្រូវប្រកួតជាមួយក្រុម SP Falcons FC របស់ម៉ុងហ្គោលី ក្នុងពានរង្វាន់ AFC Challenge League 2024/2025 វេលាម៉ោង ២:០០ រសៀល (ម៉ោងកម្ពុជា) នាកីឡដ្ឋាន MFF Stadium Ulaanbaatar។
ថ្លែងក្នុងសន្និសីទសារព័ត៌មានមុនការប្រកួត លោក Pep Munoz បានគូសបញ្ជាក់ថា៖« SP Falcons គឺជាក្រុមមួយដែលខ្លាំង។ ពួកគេលេងដោយកម្លាំងចិត្ត និងការលេងបែបគ្រប់គ្រងបាល់ ហើយពួកគេលេងរបៀបវាយបករហ័ស បានល្អ ហើយជាទូរទៅពួកគេក៏លេងបាល់វែងផងដែរ។ ពួកយើងត្រូវបានចូលរួមការប្រកួតក្នុងកម្រិតនៃការលេងរបស់ពួកគេ ដើម្បីកុំឱ្យពួកគេលេងបាល់វែងបានងាយស្រួលនោះទេ ហើយពួកយើង លេងដើម្បីទទួលបានការគ្រប់គ្រងបាល់មកយើងវិញ»។
គ្រូបង្វឹករូបនេះ បន្តថា៖«ស្មៅសិប្បនិម្មិត និងលក្ខខណ្ឌអាកាសធាតុអាចប៉ះពាល់ដល់ការប្រកួត និងជួយពួកគេបានច្រើន ដោយសារពួកគេធ្វើជាម្ចាស់ផ្ទះ ប៉ុន្តែវាមិនមែន ជាលេសដោះសារអីនោះទេ។ យើងត្រូវសម្របខ្លួនឱ្យបានលឿនតាម ដែលយើងអាចធ្វើបាន ហើយធ្វើឱ្យអស់ពីសមត្ថភាពរៀងៗខ្លួន និង លេងសហការជាក្រុម។
គោលដៅរបស់យើងគឺដើម្បីឈានទៅវគ្គបន្ទាប់នៃការប្រកួតប្រជែង។ វា ជាអ្វីដែលយើងចង់បាន ហើយវាជាហេតុផលដែលយើងមកទីនេះ»៕
