𝗖𝗣𝗟 គ្រោងបន្ថែម ជំនួយការអាជ្ញាកណ្ដាល ដើម្បីកាត់បន្ថយការកំហុងរបស់អាជ្ញាកណ្ដាលលើទីលាន

𝗖𝗣𝗟 គ្រោងបន្ថែម ជំនួយការអាជ្ញាកណ្ដាល ដើម្បីកាត់បន្ថយការកំហុងរបស់អាជ្ញាកណ្ដាលលើទីលាន

ក្រោយករណីចម្រូងចម្រាសជាមួយរឿងអាជ្ញាកណ្ដាល ពេលនេះ ក្រុម៊ុនលីគកំពូលកម្ពុជា(𝗖𝗣𝗟) ជាមួយ សហព័ន្ធកីឡាបាល់ទាត់កម្ពុជា (FFC) បាននឹងកំពុងចាត់វិធានការភ្លាមៗ ក្នុងការដោះស្រាយពីបញ្ហាទាំងនេះ ដោយគ្រោងបន្ថែម ជំនួយការអាជ្ញាកណ្ដាល ដើម្បីកាត់បន្ថយការកំហុងរបស់អាជ្ញាកណ្ដាលលើទីលាន ក៏ដូចជាជួយឲ្យការប្រកួតមានភាពសុក្រិតបន្ថែមទៀត។

ខាងក្រោមនេះ ជាសេចក្ដីប្រកាសផ្លូវការណ៍របស់ក្រុមហ៊ុនលីគកំពូលកម្ពុជា ដែលបានចេញផ្សាយនៅថ្ងៃទី២៤ ខែតុលាន ម្សិលមិញនេះ៖

សេចក្តីប្រកាសព័ត៌មានផ្លូវការ ចុះថ្ងៃទី ២៤ ខែតុលា ឆ្នាំ២០២៤
ខេមបូឌានព្រីមៀរលីគ សូមជម្រាបជូនដល់សាធារណជនចំពោះសម្រាប់ការអត់ធ្មត់ និង ការយោគយល់ចំពោះហេតុការណ៍ដែលបានកើតឡើងក្នុងអំឡុងការប្រកួតរវាងសមាគម កីឡាបាល់ទាត់ ខ.ភ.ម ជាមួយក្លឹបបាល់ទាត់វិសាខា នាថ្ងៃទី២៨ ខែកញ្ញា ឆ្នាំ២០២៤ សប្តាហ៍ទី៧ កន្លងមក។ ក្នុងនាមខេមបូឌានព្រីមៀរលីគ បាននឹងកំពុងដំណើរការនីតិវិធីចាំបាច់ជាមួយនឹងសមិទ្ធិ ផល និងផែនការសកម្មភាពផ្សេងៗ។

ខេមបូឌានព្រីមៀរលីគ កំពុងធ្វើការយ៉ាងជិតស្និទ្ធ និងធ្វើកិច្ចការសម្របសម្រួលជាមួយសហព័ន្ធ កីឡាបាល់ទាត់កម្ពុជាពាក់ព័ន្ធនឹងការសម្រេចចិត្តដែលធ្វើឡើងដោយការិយាល័យអាជ្ញាកណ្តាល និង គណៈកម្មាធិការវិន័យរបស់សហព័ន្ធកីឡាបាល់ទាត់កម្ពុជា។ តាមការពិនិត្យមើលឡើងវិញពី សមាគមកីឡាបាល់ទាត់ ខ.ភ.មបានទទួលការពិន័យ

ពីគណៈកម្មាធិការវិន័យរបស់សហព័ន្ធកីឡាបាល់ទាត់កម្ពុជា និងអាជ្ញាកណ្តាលទទួលបានការព្យួរ ពីការប្រកួតមួយរយៈពេល ដោយការិយាល័យអាជ្ញាកណ្តាលនៃសហព័ន្ធកីឡាបាល់ទាត់កម្ពុជា។ ខេមបូឌានព្រីមៀរលីគ ជាមួយនឹងសហព័ន្ធកីឡាបាល់ទាត់កម្ពុជា បាននឹងកំពុងចាត់វិធានការភ្លាមៗ ក្នុងការដោះស្រាយពីបញ្ហាទាំងនេះ ដើម្បីកែលម្អស្តង់ដាររបស់មន្ត្រីដឹកនាំការប្រកួត៖

១. ការដាក់ឱ្យមានជំនួយការអាជ្ញាកណ្តាលបន្ថែមដើម្បីពិនិត្យនៅខ្សែបន្ទាត់ទី និងប្រអប់គ្រោះថ្នាក់ ដើម្បីបង្កើនភាពត្រឹមត្រូវដល់ការសម្រេចចិត្តរបស់អាជ្ញាកណ្តាលនៅក្នុងការប្រកួត យើងនឹងបន្ថែម អាជ្ញាកណ្តាលមានភារកិច្ចពិសេសក្នុងការត្រួតពិនិត្យការស៊ុតបាល់បញ្ចូលទី និងឧប្បត្តិហេតុក្នុងប្រអប់ ពិន័យការប្រកួតសំខាន់ៗ នឹងធ្វើការអនុវត្តបន្ទាប់ពីអាជ្ញាកណ្តាលបានទទួលវគ្គបណ្តុះបណ្តាល។

២. សិក្ខាសាលាសម្រាប់ការអភិវឌ្ឍន៍អាជ្ញាកណ្តាល៖ យើងនឹងធ្វើសិក្ខាសាលាដែលមានគោលបំណង ការកែលម្អជំនាញ និងពង្រឹងសមត្ថភាពធ្វើការសម្រេចចិត្តរបស់អាជ្ញាកណ្តាល នៃនាយកដ្ឋានអាជ្ញា កណ្តាល សហព័ន្ធកីឡាបាល់ទាត់កម្ពុជា។ វគ្គទាំងនេះនឹងផ្តោតលើមន្ត្រីផ្នែកបច្ចេកទេសចុងក្រោយ បង្អស់ និងសង្កត់ធ្ងន់លើសារៈសំខាន់នៃការសម្រេចចិត្ត។ នៅក្នុងសិក្ខាសាលានេះដែរ យើងមានគម្រោង អញ្ជើញសមាជិក AFC INTEGRITY UNIT មកចែករំលែកមេរៀនអប់រំ និងវិធានការបង្ការនៃការរៀបចំ លទ្ធផលការប្រកួត និងការកំណត់លទ្ធផលទុកជាមុន។ សិក្ខាសាលាលើកទីមួយនឹងប្រព្រឹត្តទៅនៅថ្ងៃទី ១៩ ខែវិច្ឆិកា ឆ្នាំ ២០២៤។

៣. ខេមបូឌានព្រីមៀរលីគ នឹងផ្គត់ផ្គងប្រព័ន្ធទំនាក់ទំនងឱ្យកាន់តែច្រើន ដូចជាកាសទំនាក់ទំនង ជាដើម សម្រាប់មន្ត្រីអាជ្ញាកណ្តាលប្រើប្រាស់ក្នុងអំឡុងពេលការប្រកួតប្រកបដោយគុណភាព និង ប្រសិទ្ធភាព។

៤. សម្របសម្រួលផែនការរយៈពេលវែងជាមួយសហព័ន្ធកីឡាបាល់ទាត់កម្ពុជាសម្រាប់កម្មវិធី អភិវឌ្ឍន៍កំណើនថ្នាលយុវជនរបស់អាជ្ញាកណ្តាល និងបង្កើតឱកាសបទពិសោធន៍ សម្រាប់អាជ្ញា កណ្តាល។

៥. ផែនការនៃការគ្រប់គ្រង វិធានការបង្ការហានិភ័យ ដើម្បីការពារភាគីពាក់ព័ន្ធទាំងអស់ ទន្ទឹមនឹង ការតាមដានផែនការសកម្មភាព ដើម្បីឱ្យវាត្រូវបានអនុវត្តយ៉ាងត្រឹមត្រូវ។

បន្ទាប់ពីការសម្រេចចិត្តដាក់ពិន័យលើសមាគមកីឡាបាល់ទាត់ខ.ភ.មក្លឹបបានធ្វើការជាផ្លូវការលិខិត អំពាវនាវទៅកាន់គណៈកម្មការវិន័យ នៃសហព័ន្ធកីឡាបាល់ទាត់កម្ពុជា។ បន្ទាប់ពីការវាយតម្លៃកណី ខាងលើ ជាមួយនឹងការសម្រេចចិត្តថ្មីមួយដែលត្រូវបានធ្វើឡើងតាមរយៈភស្តុតាងដែលត្រូវបានផ្តល់ ជូនជាមួយនឹងការប្តឹងឧទ្ធរណ៍។

ខេមបូឌានព្រីមៀរលីគនិងសហព័ន្ធកីឡាបាល់ទាត់កម្ពុជា បាននឹងកំពុងធ្វើការយ៉ាងជិតស្និទ្ធទាក់ទង នឹងបញ្ហាដែលបានកើតឡើង ប៉ុន្តែក៏មានវិធានការបង្ការផងដែរ។

យើងចង់បញ្ជាក់ឱ្យច្បាស់ថា៖ខេមបូឌានព្រីមៀរលីគមិនអត់ឱនចំពោះទម្រង់នៃអំពើហិង្សាណាមួយ ឡើយ ការបៀតបៀន ឬការរំលោភបំពានគ្រប់ប្រភេទ។ អាកប្បកិរិយាបែបនេះធ្វើឲ្យខូចខាតសុចរិត ភាពនៃកីឡា និងតម្លៃដែលលីគរក្សា។ ទោះយ៉ាងណាក៏ដោយ យើងក៏ទទួលស្គាល់ផងដែរអំពី ការខកចិត្តដែលអាចកើតឡើងពីកំហុសឆ្គងរបស់មន្ត្រីដឹកនាំការប្រកួត និងយល់ចំពោះបញ្ហាទាំងអស់ ហើយនឹងចាត់វិធានការដូចដែលបានរៀបរាប់នេះ។

គណៈកម្មការវិន័យ នៃសហព័ន្ធកីឡាបាល់ទាត់កម្ពុជានឹងបន្តស៊ើបអង្កេតលើករណីរើសអើង ពូជសាសន៍ដែលមានបញ្ជាក់នៅក្នុងរបាយកាណ៍ប្រកួត។ ខេមបូឌានព្រីមៀរលីគ ប្តេជ្ញាចំពោះភាព ចម្រូងចម្រាស និងការប្រឆាំងការរើសអើង។ សម្រាប់ផែនការសកម្មភាពដែលកំពុងបានអនុវត្ត ជាមួយនឹងកំណែទម្រង់ថ្មីនៃការអភិវឌ្ឍន៍លីគកំពូលកម្ពុជារួមបញ្ចូលការអប់រំ និងសកម្មភាពដើម្បី លុបបំបាត់រាល់រូបភាពអំពីការរើសអើង។

ខេមបូឌានព្រីមៀរលីគ សូមអភ័យទោសចំពោះហេតុការណ៍មួយនេះដែលបានកើតឡើង ។ វាមានសារៈសំខាន់ណាស់ដែលយើងទាំងអស់គ្នាត្រូវរក្សានូវសុចរិតភាពនៃការប្រកួត និងផល ប៉ះពាល់អវិជ្ជមាន។

ខេមបូឌានព្រីមៀរលីគ ជឿជាក់ថា ជំហានទាំងនេះមានសារៈសំខាន់ក្នុងការជំរុញអោយមានភាព យុត្តិធម៌ និងការគោរពទៅដល់អ្នកចូលរួមទាំងអស់នៅក្នុងលីគ។ យើងប្តេជ្ញារក្សានូវសុចរិតភាពនៃលីគកំពូលកម្ពុជា។

បាល់ទាត់កម្ពុជា និងធានាថាឧប្បត្តិហេតុបែបនេះនឹងត្រូវបានដោះស្រាយក្នុងន័យស្ថាបនា និង ប្រកបដោយតម្លាភាព។

ក្នុងបំណងការពារមន្ត្រីដឹកនាំការប្រកួតដែលពាក់ព័ន្ធនឹងករណីនេះ ខេមបូឌានព្រីមៀរលីគ ស្នើសុំ ឱ្យអ្នកគាំទ្រ និងភាគីពាក់ព័ន្ធទាំងអស់ សូមកុំចូលរួមចំណែកក្នុងការបំពានណាមួយទៅលើអាជ្ញា កណ្តាល ប៉ុន្តែយើងឆ្ពោះទៅមុខជាមួយគ្នា ដើម្បីប្រាកដថាយើងគាំទ្រការអភិវឌ្ឍន៍នៃស្តង់ដារមួយនៅកម្ពុជា។

ខេមបូឌានព្រីមៀរលីគ សូមអរគុណដល់អ្នកគាំទ្រ កីឡាករ និងភាគីពាក់ព័ន្ធទាំងអស់សម្រាប់ការ គាំទ្រ និងបន្តការអត់ធ្មត់ ខណៈពេលដែលយើងកំពុងធ្វើការដោះស្រាយបញ្ហាដើម្បីបង្កើនគុណភាព នៃលីគកំពូលកម្ពុជា។

មែនទែនទៅ បញ្ហាអាជ្ញាកណ្ដាលនេះ តែងតែកើតឡើងជារឿយៗនៅក្នុងលីគបាល់ទាត់កម្ពុជា ទោះបីជាមានចំណាត់ការពីសហព័ន្ធក៏ដោយ ប៉ុន្តែហាក់ដូចជាគ្មានប្រសិទ្ធភាព។ ករណីក្ដៅចុងក្រោយបង្អស់នោះ គឺក្លិបបាល់ទាត់ TIFFY Army FC ស្ទើតែដកខ្លួនចេញពីលីគកំពូលម្ពុជា ដោយសារការពិន័យយ៉ាងធ្ងន់ធ្ងរពីសហព័ន្ធកីឡាបាល់ទាត់កម្ពុជា មកកាន់ក្រុមគ្រូបង្វឹក ក៏ដូចជាកីឡាករ នៅក្នុងការប្រកួតដ៏អយុត្តិធម៌កាលពីសប្ដាហ៍ទី៧ ទល់នឹងក្លិបវិសាខា ដែលនាំឲ្យមានការជជែកវ៉ែកញែកពេ្បណ្ដាញសង្គម៕