យោងតាមកាសែត Marca Vinicius Jr. ដឹងថា ខ្លួននឹងឈ្នះ Ballon d’Or ឆ្នាំនេះ

យោងតាមកាសែត Marca Vinicius Jr. ដឹងថា ខ្លួននឹងឈ្នះ Ballon d’Or ឆ្នាំនេះ

កីឡាករប្រេស៊ីល Vinicius Junior នឹងក្លាយជាកីឡាករដែលមានភាគរយខ្ពស់សម្រាប់ការឈ្នះ Ballon d’Or នាពេលខាងមុខនេះ ដោយតារាឆ្នើមរបស់ Real Madrid សង្ឃឹមថា នឹងអាចឈ្នះពានមួយនេះ បន្ទាប់ពីយុទ្ធនាការដ៏ល្អមួយកាលពីរដូវកាលមុន។

ទោះបីជា Vinicius ប្រឈមមុខនឹងការប្រកួតប្រជែងដ៏តឹងតែងពីមិត្តរួមក្រុមដូចជា Dani Carvajal, Jude Bellingham និង Kylian Mbappe ក៏ដោយ វាហាក់បីដូចជាកីឡាករសញ្ជាតិប្រេស៊ីល មានទំនុកចិត្តក្នុងឈ្នះ Ballon d’Or ឆ្នាំនេះ។

យោងតាមកាសែត MARCA ខ្សែប្រយុទ្ធប្រេស៊ីល មានទំនុកចិត្តថា ការខិតខំប្រឹងប្រែងរបស់គាត់ក្នុងរដូវកាល 2023-24 នឹងត្រូវបានទទួលស្គាល់នៅក្នុងពិធីប្រគល់ពានរង្វាន់នៅថ្ងៃទី ២៨ ខែតុលា នៅទីក្រុងប៉ារីស។

កាលពីរដូវកាលមុន តារាឆ្នើមរបស់ក្លឹប Real Madrid រូបនេះ បានដើរតួយ៉ាងសំខាន់ ក្នុងយុទ្ធនាការ Champions League របស់ Madrid ដោយបានរួមចំណែកដល់ ១១គ្រាប់ ពោលគឺស៊ុតបញ្ចូលទីបាន ៦គ្រាប់ និងបញ្ជូនបាន ៥ គ្រាប់ និងជួយក្លិបស្ដេចសលើកពានអឺរ៉ុបជាលើកទី១៥។

ទេសកោសល្យក្នុងការញ៉ាក់ និងបណ្ដើរបាល់ ជំនាញក្នុងការបង្កើតឱកាស ក៏ដូចជាសមត្ថភាពក្នុងបញ្ចប់ទី ពិតណាស់ រូបគេគឺជាបេក្ខភាពដ៏សាកសម និងមានភាគរយខ្ពស់ក្នុងការឈ្នះពាន Ballon d’Or ៕