ក្រុមហាម៉ាស់ កំពុងបញ្ជូនគណៈប្រតិភូទៅអេហ្ស៊ីប ដើម្បីពិភាក្សាបទឈប់បាញ់បន្ថែមទៀត

ក្រុមហាម៉ាស់ កំពុងបញ្ជូនគណៈប្រតិភូទៅអេហ្ស៊ីប ដើម្បីពិភាក្សាបទឈប់បាញ់បន្ថែមទៀត

បរទេស៖ ក្រុមហាម៉ាស់កំពុងបញ្ជូនគណៈប្រតិភូមួយក្រុមទៅកាន់ប្រទេសអេហ្ស៊ីបសម្រាប់កិច្ចចរចាបទឈប់បាញ់បន្ថែមទៀត ខណៈវាជាសញ្ញាថ្មីនៃវឌ្ឍនភាពរបស់អ្នកសម្រុះសម្រួលអន្តរជាតិដើម្បីជំរុញឱ្យមានកិច្ចព្រមព្រៀងរវាងអ៊ីស្រាអែលនិងក្រុមសកម្មប្រយុទ្ធហាម៉ាស់ ក្នុងការបញ្ចប់សង្គ្រាមនៅតំបន់ហ្គាហ្សា។

បន្ទាប់ពីការចរចាបញ្ឈប់ជាច្រើនខែ កិច្ចខិតខំប្រឹងប្រែងបទឈប់បាញ់ហាក់ដូចជាបានឈានដល់ដំណាក់កាលដ៏សំខាន់មួយ ដោយអ្នកសម្របសម្រួលប្រទេសអេហ្ស៊ីប និងសហរដ្ឋអាមេរិកបានរាយការណ៍ពីសញ្ញាវិជ្ជមាននៃការសម្របសម្រួលក្នុងប៉ុន្មានថ្ងៃថ្មីៗនេះ។

ប៉ុន្តែឱកាសសម្រាប់កិច្ចព្រមព្រៀងនៅតែជាប់ពាក់ព័ន្ធនឹងសំណួរសំខាន់ថាតើប្រទេសអ៊ីស្រាអែលនឹងទទួលយកការបញ្ចប់សង្គ្រាមនៅតំបន់ហ្គាហ្សា ឬយ៉ាងណា ខណៈ វាមិនបានសម្រេចគោលដៅរបស់ខ្លួនដែលបានលើកឡើងថា នឹងបំផ្លាញក្រុមហាម៉ាស ។

នៅក្នុងការចរចាបទឈប់បាញ់បានបញ្ជាក់យ៉ាងច្បាស់នៅក្នុងរបាយការណ៍ថ្មីមួយរបស់អង្គការសហប្រជាជាតិដែលបាននិយាយថា ប្រសិនបើសង្រ្គាមអ៊ីស្រាអែល-ហាម៉ាស់ឈប់នៅថ្ងៃនេះ វានៅតែត្រូវការពេលរហូតដល់ឆ្នាំ2040 ដើម្បីសាងសង់ផ្ទះទាំងអស់ដែលត្រូវបានបំផ្លាញដោយការទម្លាក់គ្រាប់បែកជិតប្រាំពីរខែរបស់អ៊ីស្រាអែល និង ការវាយលុកដីនៅហ្គាហ្សាកន្លងមកនេះ ។ វាបានធ្វើឱ្យមានផលប៉ះពាល់នៃការខូចខាតដល់សេដ្ឋកិច្ច និង ការអភិវឌ្ឍឡើងវិញជាច្រើនជំនាន់ ហើយនឹងកាន់តែអាក្រក់ទៅៗជាមួយនឹងការប្រយុទ្ធគ្នាជារៀងរាល់ខែ។

ក្នុងន័យនេះ សំណើដែលក្រុមអ្នកសម្រុះសម្រួលសហរដ្ឋអាមេរិក និងអេហ្ស៊ីបបានដាក់ជូនក្រុមហាម៉ាសជាមួយនឹងការទទួលយករបស់អ៊ីស្រាអែល កំណត់ដំណើរការបីដំណាក់កាលដែលនឹងនាំមកនូវបទឈប់បាញ់រយៈពេលប្រាំមួយសប្តាហ៍ភ្លាមៗ និងការដោះលែងចំណាប់ខ្មាំងអ៊ីស្រាអែលដោយផ្នែក ប៉ុន្តែក៏មានការចរចាលើ ភាពស្ងប់ស្ងាត់ជាអាចិន្ត្រៃយ៍ ដែលរួមបញ្ចូលទាំងការដកទ័ពអ៊ីស្រាអែលចេញពីហ្គាហ្សា ។

ជាមួយគ្នានោះដែរ ក្រុមហាម៉ាស់កំពុងស្វែងរកការធានាសម្រាប់ការដកទ័ពអ៊ីស្រាអែលពេញលេញ និងការបញ្ចប់សង្គ្រាមទាំងស្រុង៕