ក្លិប Al Hilal អាចទាមទារប្រាក់ ៧.៥ លានអឺរ៉ូ ពី FIFA បបន្ទាប់ពី Neymar រងរបួស
ក្លិប Al Hilal អាចទាមទារប្រាក់ ៧.៥ លានអឺរ៉ូ ពី FIFA បបន្ទាប់ពី Neymar រងរបួស
កាលពីដើមសប្តាហ៍នេះ Neymar Junior បានរងរបួសធ្ងន់ធ្ងរមួយទៀត អំឡុងពេលដែលប្រេស៊ីល ចាញ់ អ៊ុយរូហ្គាយ ក្នុងការប្រកួតជម្រុះ World Cup តំបន់អាមេរិកឡាទីន។ កីឡាករវ័យ ៣១ឆ្នាំរូបនេះ រងរបួស ACL ដែលនឹងទទួលការវះកាត់នៅប៉ុន្មានថ្ងៃខាងមុខនេះ។
ពិតណាស់ របួសរបស់ Neymar គឺជាការប៉ះទង្គិចដ៏ធំ សម្រាប់ក្លឹប Al Hilal ដែលរូបគេបានចូលរួមនៅរដូវក្តៅពី Paris Saint-Germain ដោយសារក្លិបអារ៉ាប់ប៊ីសាអូឌីតមួយនេះ រំពឹងខ្ពស់លើរូបគេ។
ក្នុងករណីកីឡាកររងរបួសអំឡុងពេលបំពេញកាតព្វកិច្ចអន្តរជាតិ ក្លឹបនានាអាចទាមទារថវិកាពីកម្មវិធីការពារក្លឹបរបស់ FIFA ហើយបេីតាម Sport បាននិយាយថា Al Hilal អាចទាមទារសំណងចំនួន ៧.៥ លានអឺរ៉ូ ដោយសារតែការរងរបួសរបស់ Neymar ។
ទោះជាយ៉ាងណាក៏ដោយ នេះនឹងគ្រាន់តែជាលុយដ៏តិចតូចមួយសម្រាប់ Al Hilal ប៉ុណ្ណោះ ព្រោះប្រាក់ខែរបស់អតីតតារាឆ្នើម Barcelona រូបនេះ មានតម្លៃជាង១០០លានអឺរ៉ូឯណោះ ក្នុងមួយឆ្នាំ៕
