តោះ ! មកដឹងពីសមាសភាពក្រុមជម្រើសជាតិបាល់ទាត់ក្នុងសាលកម្ពុជា ត្រៀមបោះជំរុំហ្វឹកហាត់ នៅថៃ
តោះ ! មកដឹងពីសមាសភាពក្រុមជម្រើសជាតិបាល់ទាត់ក្នុងសាលកម្ពុជា ត្រៀមបោះជំរុំហ្វឹកហាត់ នៅថៃ
កាលពីថ្ងៃពុធ ទី២៧ ខែកញ្ញា ម្សិលមិញនេះ សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះកីឡាករ១៤នាក់ចុងក្រោយរបស់ក្រុមជម្រើសជាតិបាល់ទាត់ក្នុងសាលកម្ពុជា ដើម្បីបោះជំរុំហ្វឹកហាត់នៅប្រទេសថៃ ចាប់ពីថ្ងៃទី២៨ ខែកញ្ញា ដល់ថ្ងៃទី០៤ ខែតុលា ឆ្នាំ២០២៣ ត្រៀមចូលរួមការប្រកួតពានរង្វាន់ AFC Futsal Asian 2024 វគ្គជម្រុះ នៅប្រទេសអ៊ូសបេគីស្ថាន។
ខាងក្រោមនេះ ជាបញ្ជីឈ្មោះកីឡាករ និងគ្រូបង្វឹករបស់ក្រុមជម្រើសជាតិបាល់ទាត់ក្នុងសាលកម្ពុជា សម្រាប់ចូលរួមការប្រកួតAFC FUTSAL ASIAN CUP 2024 វគ្គជម្រុះនៅប្រទេសអ៊ូសបេគីស្ថាន៖
-នៃ ប៊ុនសុភ័ត្រា គ្រូបង្គោល
-ជេត ច័ន្ទវចនា គ្រូជំនួយ
-ឡុង ណាស៊ី គ្រូចាំទី
-គីម ស៊ីម៉េង អ្នកចាំទី
-ខែក ច័ន្ទសម្បត្តិ អ្នកចាំទី
-ង៉ែត សីហា
-កែវ ជាតួ
-ហ៊ីង សុខពៅ
-ព្រំ ឌីយ៉ាម៉ង់
-គន្ធ លន់ដារ៉ូត
-រស់ ស៊ីចំរើន
-តុង ច័ន្ទមុនី
-ឡាក់ ភីរុណ
-កែរ សុចិត្រា
-ញឹក ថាលីដា
-ជាប រីឈី
-ប្រាក់ សុវណ្ណារិទ្ធ ។
ព្រឹត្តិការណ៍ប្រកួតជើងឯកប្រចាំទ្វីបអាស៊ី AFC Futsal Asian Cup 2024 នេះ ក្រុមបាល់ទាត់ហ្វូតសាលជម្រើសជាតិកម្ពុជា ស្ថិតនៅក្នុងពូល G ជាមួយអ៊ូបេគីស្ថាន, អ៊ីរ៉ាក់ និងម៉ាឡេស៊ី។
គួរបញ្ជាក់ថា កម្ពុជា ធ្លាប់បង្ហាញខ្លួនក្នុងព្រឹត្តិការណ៍កម្រិតទ្វីបនេះចំនួន១លើកហើយ ពោលគឺនៅឆ្នាំ២០០៤ ដែលម៉ាកាវ ជាម្ចាស់ផ្ទះ ដោយកាលនោះកម្ពុជា ស្ថិតក្នុងពូល A ជាមួយអ៊ីរ៉ង់, អ៊ូបេគីស្ថាន,ឥណ្ឌូណេស៊ី និងហុងកុង។ កាលណោះ កម្ពុជា ឈ្នះហុងកុង ៨-៤ , ចាញ់អ៊ូប៊ែគីស្ថាន ១៣-១, ចាញ់ អ៊ីរ៉ង់ ២៤-១ និងចាញ់ ឥណ្ឌូណេស៊ី ៥-២៕
ពានរង្វាន់នេះធ្វើឡើងរាល់២ឆ្នាំម្តងគិតចាប់តាំងពីឆ្នាំ១៩៩៩ មកម៉្លេះ ដោយក្រុមជប៉ុន ជាម្ចាស់ជើងឯកឆ្នាំចាស់ក្នុងឆ្នាំ២០២២ ដែលប្រទេសគុយវ៉ែត ជាម្ចាស់ផ្ទះ ស្របពេលដែលក្រុមអ៊ីរ៉ង់ ក្រុមឈ្នះជើងឯកច្រើនជាងគេរហូតដល់ទៅ១២សម័យកាល៕
