iOS 17 នឹងបង្ហាញខ្លួនជាផ្លូវការនៅថ្ងៃទី០៥ ខែមិថុនាខាងមុខនេះ
iOS 17 នឹងបង្ហាញខ្លួនជាផ្លូវការនៅថ្ងៃទី០៥ ខែមិថុនាខាងមុខនេះ
ក្រុមហ៊ុន Apple បានប្រកាសបង្ហាញពីកាលបរិច្ឆេទផ្លូវការនៃថ្ងៃរៀបចំមហាព្រឹត្តិការណ៍ប្រចាំឆ្នាំ WWDC នៅថ្ងៃទី ០៥ ដល់ថ្ងៃទី០៩ ខែមិថុនា ឆ្នំា២០២៣។ នៅក្នុងព្រឹត្តិការណ៍នោះ ត្រូវបានគេរំពឹងថា Apple នឹងបង្ហាញប្រព័ន្ធដំណើរការថ្មីរបស់ខ្លួនដូចសព្វដង។
ជាទូទៅ នៅថ្ងៃដំបូងនៃព្រឹត្តិការណ៍គឺ Apple តែងតែប្រកាសបង្ហាញប្រព័ន្ធដំណើរការជំនាន់ថ្មី្មរបស់ iOS, iPadOS, macOS, watchOS និង tvOS ដោយក្នុងនោះ iOS នឹងឡើងដល់ជំនាន់ទី ១៧ ឬ iOS 17។
ដោយសារតែមហាព្រឹត្តិការណ៍នេះត្រូវបាន Apple ធ្វើឡើងតាមអនឡាញដែរនោះ វាបានផ្តល់នូវឱកាសសម្រាប់សិស្សានុសិស្ស និង Developer ជាច្រើនបានចូលរួម ខណៈដែលលោក Susan Prescott អនុប្រធានកម្មវិធី WWDC បានលើកឡើងថា កម្មវិធីឆ្នាំនេះគឺអស្ចារ្យជាងឆ្នាំមុនខ្លាំងណាស់៕
