ព្រះខ័នរាជស្វាយរៀង ប៉ះ 𝗧𝗵𝗮𝗻𝗵 𝗛𝗼𝗮 ក្នុងពានរង្វាន់ ASEAN Club Shopee Cup ល្ងាចនេះ
ព្រះខ័នរាជស្វាយរៀង ប៉ះ 𝗧𝗵𝗮𝗻𝗵 𝗛𝗼𝗮 ក្នុងពានរង្វាន់ ASEAN Club Shopee Cup ល្ងាចនេះ
នៅថ្ងៃពុធ ទី២២ ខែមករា ឆ្នាំ២០២៥ នេះ ក្រុមព្រះខ័នរាជស្វាយរៀង របស់កម្ពុជា ក្រោមការដឹកនាំរបស់លោក Pep Munoz នឹងត្រូវប្រកួតជាមួយក្រុម Dong A Thanh Hoa របស់វៀតណាម ក្នុងពានរង្វាន់ ASEAN Club Championship Shopee Cup វេលាម៉ោង ៦:០០ ល្ងាច នាកីឡដ្ឋាន Thanh Hoa Province Stadium។
មុនប៉ះគ្នានៅល្ងាចនេះ ក្រុមព្រះខ័នរាជស្វាយរៀង ក្នុងនាមជាក្រុមជើងឯកលីគកំពូលកម្ពុជា បានយកឈ្នះ Terengganu FC ៣-២ និងចាញ់ BG Pathum United ២-១ ហើយបន្តចាញ់ PSM Makassar ១-០។ ចំណែកក្រុមកំពុងឈរកំពូលតារាងលីគកំពូលវៀតណាម Dong A Thanh Hoa បានយកឈ្នះ Shan United ៣-១ ប្រកួតបើកឆាក ស្មើជាមួយ Terengganu ២-២ និងស្មើជាមួយ BG Pathum United ១-១។
បច្ចុប្បន្ន ព្រះខ័នរាជស្វាយរៀង កំពុងឈរលេខ៥ ក្នុងពូល A ដោយរកបាន ៣ពិន្ទុ ខណៈ ក្រុម Dong A Thanh Hoa ឈរនៅលេខ២ មាន ៥ពិន្ទុ ស្មើគ្នាជាមួយក្រុម BG Pathum United ហើយក្រុមដែលឈរកំពូលតារាង គឺ PSM Makassar មាន ៧ពិន្ទុ។
គួរបញ្ជាក់ថា ក្រុមព្រះខ័នរាជស្វាយរៀង ត្រូវការឈ្នះដាច់ខាត ដើម្បីមានឱកាសប្រជែងកៅអីវគ្គបន្ដ ហើយប្រសិនបើ ចាញ់ នឹងអស់ឱកាសតែម្ដង ខណៈ ស្វាយរៀង នៅសល់តែមួយប្រកួតទៀតប៉ុណ្ណោះ បន្ទាប់ពីប៉ះជាមួយ Dong A Thanh Hoa ដោយត្រូវប៉ះជាមួយក្រុមបាតតារាង Shan United៕
