ត្បូងឃ្មុំ ក្លាយជាម្ចាស់ពានរង្វាន់បាល់ទាត់ Hun Sen Cup ថ្នាក់ខេត្ត ឆ្នាំ២០២៤
ត្បូងឃ្មុំ ក្លាយជាម្ចាស់ពានរង្វាន់បាល់ទាត់ Hun Sen Cup ថ្នាក់ខេត្ត ឆ្នាំ២០២៤
ក្រុមបាល់ទាត់ខេត្តត្បូងឃ្មុំ បានក្លាយជាម្ចាស់ពានរង្វាន់ Hun Sen Cup ថ្នាក់ខេត្ត ឆ្នាំ២០២៤ បន្ទាប់ពីយកឈ្នះ ក្រុមខេត្តកំពង់ចាម ដោយការទាត់ប៉េណាល់ទីកាត់សេចក្តី ៣-២ ក្នុងវគ្គផ្ដាច់ព្រ័ត្រ។
ការប្រកួតវគ្គផ្តាច់ព្រ័ត្រ ពានរង្វាន់សម្តេចតេជោ ថ្នាក់ខេត្ត កាលពីល្ងាចថ្ងៃអាទិត្យ ទី២២ ខែធ្នូ ឆ្នាំ២០២៤ ក្រុមខេត្តត្បូងឃ្មុំ បានយកឈ្នះក្រុមខេត្តកំពង់ចាម ដោយការទាត់ប៉េណាល់ទីកាត់សេចក្តី ៣-២ បន្ទាប់ពីការប្រកួតស្មើគ្នា ដោយលទ្ធផល ១-១។
ខាងក្រោមនេះ ជាជ័យលាភីថ្នាក់ខេត្ត ឆ្នាំ២០២៤៖
-ជើងឯក៖ ក្រុមខេត្តត្បូងឃ្មុំ ទទួលបានពាន មេដាយមាស និងប្រាក់រង្វាន់២០លានរៀល
-រងជើងឯក៖ ក្រុមខេត្តកំពង់ចាម ទទួលបានមេដាយប្រាក់ និងប្រាក់រង្វាន់១០លានរៀល
-លេខ៣៖ ក្រុមខេត្តសៀមរាប ទទួលបានមេដាយសំរិទ្ធ និងប្រាក់រង្វាន់៨លានរៀល
-ក្រុម Fair Play៖ ក្រុមខេត្តត្បូងឃ្មុំ ទទួលបាន៤លានរៀល
-កីឡាករល្អជាងគេ៖ កីឡាករ ស៊ីមីរ៉ាក់ ធន់ មកពីក្រុមខេត្តកែប ទទួលបានប្រាក់២លានរៀល
-កីឡាកររកបានគ្រាប់បាល់ច្រើនជាងគេ៖ កីឡាករ សារី តៃម៉ូ (១៦គ្រាប់) ទទួលបានប្រាក់២លានរៀល
-អ្នកចាំទីល្អជាងគេ៖ កីឡាករ គង់ រ៉ាហ្វាត់ មកពីក្រុមខេត្តត្បូងឃ្មុំ ទទួលបានប្រាក់២លានរៀល
-គ្រូបង្វឹកល្អ៖ លោក ប៊ុល រតនៈ មកពីក្រុមខេត្តត្បូងឃ្មុំ ទទួលបានប្រាក់២លានរៀល។
គួររំលឹកថា ការប្រកួតបាល់ទាត់ពានរង្វាន់សម្តេចតេជោថ្នាក់ខេត្ត បានចាប់ផ្តើមលើកដំបូង តាំងពីឆ្នាំ២០១៨។ ក្នុងនោះក្រុមខេត្តត្បូងឃ្មុំជាក្រុមតែមួយគត់ ដែលឈ្នះជើងឯក ២ដង និងរងជើងឯកចំនួន ៣ដង សរុបមក គឺពួកគេឡើងដល់វគ្គផផ្តាច់ព្រ័ត្រចំនួន ៥ដង។
ខាងក្រោមនេះ ជាក្រុមដែលធ្លាប់ឈ្នះពានសម្តេចតេជោ ថ្នាក់ខេត្ត៖
ឆ្នាំ២០១៨៖ ក្រុមយុវជនបាល់ទាត់ជាតិបាទី
ឆ្នាំ២០១៩៖ ក្រុមខេត្តត្បូងឃ្មុំ
ឆ្នាំ២០២០៖ ក្រុមខេត្តព្រៃវែង
ឆ្នាំ២០២១៖ ក្រុមខេត្តកោះកុង
ឆ្នាំ២០២២៖ ក្រុមភ្នំពេញហ្គាឡាក់ស៊ី
ឆ្នាំ២០២៣៖ ក្រុមខេត្តកំពង់ចាម
ឆ្នាំ២០២៤៖ ក្រុមខេត្តត្បូងឃ្មុំ៕
