Rodri ជ្រេីសរេីស Messi ជាកីឡាករដ៏អស្ចារ្យបំផុតគ្រប់ពេល ហើយថា Ronaldo ខ្វះទេពកោសល្យពីកំណើត

Rodri ជ្រេីសរេីស Messi ជាកីឡាករដ៏អស្ចារ្យបំផុតគ្រប់ពេល ហើយថា Ronaldo ខ្វះទេពកោសល្យពីកំណើត

ម្ចាស់ពាន Ballon d’Or ថ្មីៗ កីឡាករ Rodrigo Hernandez បាននិយាយដោយត្រង់ៗនៅក្នុងបទសម្ភាសន៍ជាមួយកាសែត El Hormiguero បាននិយាយថា “Lionel Messi គឺជាកីឡាករដ៏អស្ចារ្យបំផុតគ្រប់ពេលដោយគ្មានមន្ទិល ប៉ុន្តែបានរិះគន់ Cristiano Ronaldo ថា មិនមានទេពកោសល្យពីកំណើត។

ខ្សែបម្រើសញ្ជាតិអេស្ប៉ាញរូបនេះ បានដាក់ឈ្មោះ Messi ថា “ជាកីឡាករបាល់ទាត់ដ៏អស្ចារ្យបំផុតគ្រប់ពេល” និងពន្យល់ពីមូលហេតុ ដែលខ្លួនមិនជ្រើសរើសយក Cristiano Ronaldo ដែលជាអ្នកស៊ុតបញ្ជូលទីច្រើនជាងគេបំផុតនៅលើពិភពលោក។

Rodrigo Hernandez ដែលជាម្ចាស់ពានរង្វាន់ Euro Cup ជាមួយអេស្ប៉ាញ បានឆ្លើយសំណួរដែលសួរថា តើអ្នកណាជាកីឡាករល្អបំផុតក្នុងប្រវត្តិសាស្ត្រ ហើយកីឡាកររបស់ Manchester City បានជ្រើសរើសកីឡាករអាហ្សង់ទីន។

Rodrigo បាននិយាយថា៖« បើមិនមានទេពកោសល្យពីកំណើត Cristiano មានកម្រិតស្មើ Messi។ ប៉ុន្តែយើងដែលបានលេងជាមួយពួកគេ ដឹងពីភាពខុសគ្នា។ យើងមិនចង់ឱ្យ Cristiano ចូលក្នុងប្រអប់នោះទេ គេជាកីឡាករដ៏គ្រោះថ្នាក់ប្រសិនបើគេនៅទីនោះ។ ប៉ុន្តែជាមួយ Messi វាបានកើតឡើងពាសពេញទីលាន។ នៅពេលដែលបាល់ ទៅដល់ Messi អ្នកនឹងគិតថា ‘គ្រោះថ្នាក់’។ នៅពេលដែលខ្ញុំចាប់ផ្តើមលេងទល់នឹងគាត់ ខ្ញុំនឹងព្យាយាមដណ្ដើមបាល់ពីគាត់ ហើយគាត់អូសបាល់គេចពីខ្ញុំយ៉ាងងាយស្រួល»។ កីឡាករជម្រើសជាតិអេស្ប៉ាញ បាននិយាយដោយសន្និដ្ឋានថា នៅពេលដែល Messi ប៉ះបាល់ «អារម្មណ៍ ដែលខ្ញុំមានគឺថា មានរឿងអាក្រក់នឹងកើតឡើង»។

ត្រង់ចំណុចដែលថា Rodrigo បាននិយាយថា៖ «បើមិនមានទេពកោសល្យពីកំណើត Cristiano មានកម្រិតស្មើ Messi» រូបគេចង់សំដៅថា Messi ជាកីឡាករដែលមានទេពកោសល្យពីកំណើត ហើយ CR7 មិនមានទេពកោសល្យពីកំណើតនោះទេ៕