𝐑𝐨𝐧𝐚𝐥𝐝𝐨 បន្ដស៊ុត២គ្រាប់ម្នាក់ឯង ជួយព័រទុយហ្គាល់ លត់ក្រុម បូស្នៀ ក្នុងលទ្ធផល ៥-0 ក្នុងវគ្គជម្រុះ 𝐄𝐔𝐑𝐎 𝟐𝟎𝟐𝟒

𝐑𝐨𝐧𝐚𝐥𝐝𝐨 បន្ដស៊ុត២គ្រាប់ម្នាក់ឯង ជួយព័រទុយហ្គាល់ លត់ក្រុម បូស្នៀ ក្នុងលទ្ធផល ៥-0 ក្នុងវគ្គជម្រុះ 𝐄𝐔𝐑𝐎 𝟐𝟎𝟐𝟒

ខ្សែប្រយុទ្ធរបស់ Al-Nassr កីឡាករ Cristiano Ronaldo រកបានគ្រាប់បាល់២គ្រាប់ម្នាក់ឯង ជួយព័រទុយហ្គាល់ លត់ក្រុម បូស្នៀ ក្នុងលទ្ធផល ៥-0 ក្នុងវគ្គជម្រុះ 𝐄𝐔𝐑𝐎 𝟐𝟎𝟐𝟒
ខណៈនេះជាជ័យជំនះលើកទី៨ហើយ សម្រាប់ព័រទុយហ្គាល់ ក្រោមការដឹកនាំដោយលោក Roberto Martinez។

ក្នុងការប្រកួតយប់មិញនេះ Ronaldo រកបានគ្រាប់បាល់នាំមុខឲ្យព័រទុយហ្គាល់ នៅនាទីទី ៥ និង ២០ និងបញ្ជូនបាល់ឲ្យ Cancelo ស៊ុត១គ្រាប់ផងដែរ នៅនាទីទី៣២ ខណៈ Jao Felix និង Bruno Fernandez រកបានម្នាក់មួយគ្រាប់ផងដែរ។ តាមរយៈគ្រាប់បាល់២គ្រាប់យប់មិញនេះ មានន័យថា CR7 រកបានគ្រាប់បាល់ចំនួន ១២៧គ្រាប់ហើយ សម្រាប់ក្រុមជម្រើសជាតិ។

គួរឲ្យដឹងថា គិតមកទល់ពេលនេះ ក្រុមបច្ចខែលព័រទុយហ្គាល់ ក្រោមការដឹកនាំដោយលោក Roberto Martinez មិនទាន់ស្គាល់រសជាតិចាញ់ឡើយ ពោលគឺឈ្នះ ៨ប្រកួត ចាញ់ 0 និងស៊ុតបញ្ចូលទីបាន ៣២គ្រាប់ ដោយរបូតគ្រាប់បាល់តែ ២គ្រាប់គត់។

គួរបញ្ជាក់ថា ក្រុមជម្រើសជាតិព័រទុយហ្គាល់ បានកក់កៅអី សម្រាប់ការប្រកួត Euro 2024 រួចរាល់ហើយ បន្ទាប់ពីបានយកឈ្នះក្រុមស្លូវ៉ាគី កាលពីសប្ដាហ៍មុន។ ដូច្នេះមានន័យថា CR7 នឹងមានវត្តមានក្នុង Euro 2024 ដែលធ្វើឡើងក្នុងប្រទេសអាល្លឺម៉ង់៕