ចាន់ វឌ្ឍនាកា ត្រូវបានក្រុមជម្រើសជាតិកោះហៅ ត្រៀមប្រកួតមិត្តភាពអន្តរជាតិ ជាមួយបង់ក្លាដែស

ចាន់ វឌ្ឍនាកា ត្រូវបានក្រុមជម្រើសជាតិកោះហៅ ត្រៀមប្រកួតមិត្តភាពអន្តរជាតិ ជាមួយបង់ក្លាដែស

នៅទីបំផុត! សហព័ន្ធកីឡាបាល់ទាត់កម្ពុជា បានបញ្ជេញបញ្ជីឈ្មោះបឋមកីឡាករជម្រើសជាតិកម្ពុជា សម្រាប់ការប្រកួតប្រកួតមិត្តភាពអន្តរជាតិ “Vattanac International Friendly Match” រវាងក្រុមជម្រើសជាតិកម្ពុជា ទល់នឹងក្រុមជម្រើសជាតិបង់ក្លាដែស នៅថ្ងៃទី១៥ ខែមិថុនា ឆ្នាំ២០២៣។

ក្រុមជម្រើសជាតិកម្ពុជា ក្រោមការដឹកនាំដោយអ្នកចាត់ការថ្មី លោក Felix Delmas ដែលជំនួសដំណែងលោក Keisuke Honda ដែលទើបតែចាកចេញបន្ទាប់ពីបញ្ចប់ភារកិច្ចនៅស៊ីហ្គេម កាលពីខែមុន បានបានសម្រេចជ្រើសរើសកីឡាករបឋមចំនួន ៣០នាក់ សម្រាប់ត្រៀមប្រកួតមិត្តភាពអត្តរជាតិ ជាមួយ បង់ក្លាដែស។

ក្នុងចំណោមកីឡាករទាំង៣០នាក់នោះ គេសង្កេតឃើញថា មានទាំងកីឡាករក្មេងៗ និងកីឡាករជើងចាស់ជាច្រើនផងដែរ។ ក្នុងនោះក៏មានអតីតខ្សែប្រយុទ្ធដ៏មុតស្រួចរបស់ក្រុមគោព្រៃកម្ពុជា កីឡាករ ចាន់ វឌ្ឍនាកា ដែលគ្រប់គ្នាហៅថា CV11 និងកីឡាករខ្ញីចាស់ គួច សុកុម្ភៈ ក៏ត្រូវបានលោក Felix Delmas កោះហៅផងដែរ។

មែនទែនទៅ នេះជាលើកដំបូងហើយ ក្នុងរយៈពេល ៤ឆ្នាំ ដែល ចាន់ វឌ្ឃនាកា ជាប់ឈ្មោះក្នុងក្រុមជម្រើសជាតិ។ ក្រោមការដឹកនាំរបស់អ្នកចាត់ការសញ្ជាតិជប៉ុន ចាន់ វឌ្ឍនាកា មិនសូវជាប់ឈ្មោះលេងនោះទេ ដោយសារទម្រង់លេងរបស់លោក ហុងដា ផ្ដោតសំខាន់លើកីឡាករក្មេងៗ។ មួយវិញទៀត ដោយសារតែកីឡាករផ្ទាល់តែម្ដង ពោលគឺប៉ុន្មានឆ្នាំចុងក្រោយនេះ វឌ្ឍនាកា ហាក់មិនសូវបង្ហាញទម្រង់លេងល្អនោះទេ ហើយថែមទាំងមានរបួសទៀតផង ទាំងនេះហើយ ជាមូលហេតុដែលរូបគេមិនបានជាប់ជម្រើសជាតិ។

យ៉ាណាមិញ ក្រៅតែពី វឌ្ឃនាកា ក៏មានកីឡាករដ៏គួរឲ្យចាប់អារម្មណ៍មួយចំនួនទៀតផងដែរ ដូចជា សុះ សូហ៊ាណា, អ៊ុំ វិចិត្រ  ប៊ីន ចន្ថាធារី, សឿយ វិសាល និងកូនកាត់ខ្មែរអាមេរិក និក ថេឡរ ផងដែរ។
ខាងក្រោមនេះ ជាបញ្ជីរាយនាមបឋមកីឡាករជម្រើសជាតិកម្ពុជា សម្រាប់ការប្រកួតមិត្តភាពអន្តរជាតិ កម្ពុជា v បង់ក្លាដែស៖

-គួច សុកុម្ភះ
-ចាន់ វឌ្ឍនាកា
-អ៊ិន សូដាវីដ
-សុះ សូហ៊ាណា
-តាំង ប៊ុនឆៃ
-អ៊ុក សុវណ្ណ
-រ៉េត លីហេង
-សៀង ចន្លោះ
-កែន ច័ន្ទសុភ័ក្ត្រា
-អ៊ុ វិចិត្រ
-ប៊ីន ចន្ថាជារី
-ស៊ិន កក្កដា
-អ៊ន ចាន់ប៉ូលីន
-សឿយ វិសាល
-ទេស សម្បត្តិ
-ហ៊ី ម៉ូស្លីម
-សារ៉េត គ្រីយ៉ា
-សារ ទី
-ប្រាក់ ធីរ៉ា
-សេត រ៉ស៊ីប
-ស រតនា
-សឿត បារាំង
-ថេឡរ នីកូឡាស់ មឿង (និក ថេឡរ)
-ឡេង ណូរ៉ា
-ជួន ចាន់ចាវ
គឹម សុខយុទ្ឋ
-ស៊ិន សុវណ្ណមករា
-លឹម ពិសុទ្ធ
-ឆេង ម៉េង
-កែវ សុខសិលា៕