លោក Keisuke Honda ៖ ខ្ញុំអាចនិយាយថា យើងនៅតែអាចឈ្នះ និងឡើងទៅវគ្គ Semifinal
លោក Keisuke Honda ៖ ខ្ញុំអាចនិយាយថា យើងនៅតែអាចឈ្នះ និងឡើងទៅវគ្គ Semifinal
នៅល្ងាចថ្ងៃទី១០ ខែឧសភានេះ ក្រុមជម្រើសជាតិកម្ពុជាអាយុក្រោម២២ឆ្នាំ ក្រោមការដឹកនាំដោយអ្នកចាត់ការទូទៅសញ្ជាតិជប៉ុន លោក Keisuke Honda នឹងធ្វើការប្រកួតចុងក្រោយក្នុងពូល A ជាមួយក្រុមជម្រើសជាតិឥណ្ឌូនេស៊ី វេលាម៉ោង ៧៖០០នាទី នៅពហុកីឡដ្ឋានជាតិអូឡាំពិក។
មែនទែនទៅ ក្រុមជម្រើសជាតិបុរសកម្ពុជា អាយុក្រោម២២ឆ្នាំ ស្ទេីរតែអស់ឱកាសឡើងទៅវគ្គពាក់កណ្ដាលផ្ដាច់ព្រ័ត្រទៅហើយ បន្ទាប់ពីបានប្រកួតចាញ់ក្រុមមីយ៉ាន់ម៉ា ក្នុងលទ្ធផល ២ ទល់ ០ ក្នុងប្រកួតទី៣។ ដើម្បីអាចឡេីងទៅកាន់វគ្គបន្តបានទីមួយ គឺកម្ពុជា ដាច់ខាតត្រូវឈ្នះក្រុមជម្រើសជាតិ ឥណ្ឌូនេស៊ី នៅប្រកួតចុងក្រោយក្នុងពូល ហេីយមីយ៉ាន់ម៉ា ចាញ់ ហ្វីលីពីន។ ប៉ុន្តែបេីសិនជាមីយ៉ាន់ម៉ា ឈ្នះ ហ្វីលីពីន ទោះបីជាកម្ពុជា ឈ្នះ ឥណ្ឌូនេស៊ី ក៏ដោយ ក៏កម្ពុជា មិនអាចឡើងទៅវគ្គបន្តទៀតដែរ។
យ៉ាងណាមុនការប្រកួតមកដល់ លោក Keisuke Honda បានបង្ហោះលើបណ្ដាញសង្គម NowVoice របស់លោកយ៉ាងដូច្នេះថា ៖ «ខ្ញុំអាចនិយាយថា យើងនៅតែអាចឈ្នះ និងឡើងទៅវគ្គ Semifinal ព្រោះគ្មាននរណាម្នាក់ដឹងថា នឹងមានអ្វីកើតឡើងទេ ហើយយើងត្រូវប្រយុទ្ធទោះមានភាគរយតិចដែលអាចទៅកាន់វគ្គ Semifinals»។
គួរបញ្ជាក់ថា កម្ពុជា បានយកឈ្នះ ទីម័រខាងកើត ៤-០ នៅប្រកួតបើកឆាក ហើយបានប្រកួតស្មើ ១-១ ជាមួយហ្វីលីពីន ខណៈប្រកួតទី៣ បានបរាជ័យក្រោមថ្វីជើង មីយ៉ាន់ម៉ា ២-០៕
