លោក Trump រិះគន់គណបក្សប្រជាធិបតេយ្យចំពោះការថ្កោលទោសលើវាយប្រហារលើអ៊ីរ៉ង់

ដោយ៖ Chhan Sreyka | 2 ម៉ោងមុន ព័ត៌មានអន្តរជាតិ

វ៉ាស៊ីនតោន៖ ប្រធានាធិបតី Donald Trump នៅថ្ងៃនេះ បានរិះគន់យ៉ាងខ្លាំងទៅលើមេដឹកនាំគណបក្សប្រជាធិបតេយ្យ ដែលបានថ្កោលទោសការសម្រេចចិត្តរបស់លោកក្នុងការបើកប្រតិបត្តិការយោធាវាយប្រហារលើប្រទេស Iran ដោយចោទប្រកាន់ថា ការប្រឆាំងរបស់ពួកគេមានមូលហេតុនយោបាយ។

លោក Trump បានលើកឡើងថា គណបក្សប្រជាធិបតេយ្យដែលលោកហៅថា «ឆ្វេងនិយមជ្រុល» កំពុងត្អូញត្អែរ និងរិះគន់យ៉ាងខ្លាំងចំពោះការវាយប្រហារដែលលោកអះអាងថា ជាការចាំបាច់ និងមានសារៈសំខាន់បំផុត ដែលធ្វើឡើងដោយសហរដ្ឋអាមេរិក និងអ៊ីស្រាអែលលើអ៊ីរ៉ង់។

ក្នុងការបង្ហោះលើបណ្ដាញសង្គម Truth Social លោកបានសរសេរថា ការរិះគន់ទាំងនោះកើតឡើង «គ្រាន់តែព្រោះតែខ្ញុំជាអ្នកធ្វើវា» ហើយបើសិនជាលោកមិនធ្វើទេ ពួកគេនឹងសួរថា ហេតុអ្វីបានជាលោកមិនចាត់វិធានការភ្លាមៗ។

លោកបានបន្ថែមថា មិនថាលោកធ្វើអ្វីក៏ដោយ គណបក្សប្រជាធិបតេយ្យតែងតែប្រឆាំង។ ទោះជាយ៉ាងណា លោកអះអាងថា សហរដ្ឋអាមេរិកនៅពេលនេះ «ធំជាង មាំមួនជាង និងរឹងមាំជាងមុន» បើប្រៀបធៀបនឹងពេលកន្លងមក។

នៅថ្ងៃចន្ទ លោក Trump បានចំណាយពេលនៅសេតវិមាន បន្ទាប់ពីសហរដ្ឋអាមេរិក និងអ៊ីស្រាអែលបានបើកការវាយប្រហារដែលត្រូវបានរាយការណ៍ថា បណ្តាលឱ្យមានការស្លាប់របស់មេដឹកនាំកំពូលអ៊ីរ៉ង់ គឺ Ali Khamenei។

ក្នុងបទសម្ភាសន៍ជាមួយ CNN លោកបាននិយាយថា សហរដ្ឋអាមេរិកកំពុងដាក់សម្ពាធយ៉ាងខ្លាំងលើអ៊ីរ៉ង់ ប៉ុន្តែបានបញ្ជាក់ថា ស្ថានការណ៍អាចនៅតែមានការវិវត្តបន្ថែមទៀត៕

អត្ថបទទាក់ទង

តាលីបង់ ចេញក្រឹត្យថ្មី អនុញ្ញាតឱ្យបុរសវាយប្រពន្ធ ព័ត៌មានអន្តរជាតិ20 ម៉ោងមុន
ក្រុម Hezbollah សន្យាប្រឈមមុខជាមួយអាមេរិក និងអ៊ីស្រាអែល ក្រោយការសម្លាប់លោក Khamenei ព័ត៌មានអន្តរជាតិ24 ម៉ោងមុន
អតីតនាយករដ្ឋមន្ត្រីថៃ លោក Thaksin នឹងត្រូវដោះលែងនៅថ្ងៃទី៩ ខែឧសភា ឆ្នាំ២០២៦ ព័ត៌មានអន្តរជាតិថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០២៦
អាមេរិកមិនអនុញ្ញាតឱ្យរដ្ឋាភិបាលវេណេស៊ុយអេឡា បង់ថ្លៃសេវាផ្លូវច្បាប់ជំនួសលោក ម៉ាឌូរ៉ូទេ ព័ត៌មានអន្តរជាតិថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០២៦
អ៊ីរ៉ង់ចង់ឱ្យកិច្ចព្រមព្រៀងនុយក្លេអ៊ែរ ខណៈអាមេរិកបង្កើនវត្តមានយោធានៅមជ្ឈិមបូព៌ា ព័ត៌មានអន្តរជាតិថ្ងៃពុធ ទី២៥ ខែកុម្ភៈ ឆ្នាំ២០២៦
កូរ៉េខាងជើងបង្ហាញវត្តមានលោក Kim Jong Un ជិះរថយន្តបាញ់គ្រាប់រ៉ុក្កែតចល័ត ព័ត៌មានអន្តរជាតិថ្ងៃពុធ ទី២៥ ខែកុម្ភៈ ឆ្នាំ២០២៦