PSG ត្រៀមចាយលុយ ១៨០លានអឺរ៉ូ ទិញតារាឆ្នើមកំពុងឡើងជើងរបស់ Napoli

ដោយ៖ Volak ENN | ថ្ងៃអង្គារ ទី២១ ខែមីនា ឆ្នាំ២០២៣ កីឡា

បរទេស : បន្ទាប់ពីការបរាជ័យ ៧លើកចុងក្រោយរបស់ពួកគេ ម្ចាស់ជើងឯក Ligue 1 បារាំង ក្រុម Paris Saint-Germain (PSG) បានរៀបចំផ្តល់សំណើ ១៨០ លានអឺរ៉ូ ដើម្បីចុះហត្ថលេខាលើខ្សែប្រយុទ្ធកំពុងឡើងជើងរបស់ Napoli កីឡាករ Khvicha Kvaratskhelia ។

យោងតាមការចុះផ្សាយរបស់កាសែតអ៊ីតាលី Correiere dello Sport ក្រុមរបស់លោក Christophe Galtier បានកំណត់អត្តសញ្ញាណកីឡាករអន្តរជាតិហ្សកហ្ស៊ី ជាគោលដៅចម្បងរបស់ពួកគេក្នុងរដូវក្តៅដើម្បីពង្រឹងតំបន់ប្រយុទ្ធ បន្ទាប់ពីក្រុម PSG ទើបតែត្រូវបានទម្លាក់ចេញពីក្របខ័ណ្ឌ Champions League ដោយជើងខ្លាំងមកពីអាល្លឺម៉ង់ Bayern Munich។

កីឡាករវ័យ ២២ ឆ្នាំរូបនេះ បានក្លាយជាកីឡាករ ដែលមិនអាចមើលរំលង បន្ទាប់ពីរដូវកាលដំបូងដ៏គួរឱ្យចាប់អារម្មណ៍របស់គេ ជាមួយ Napoli ។ Kvaratskhelia ជាចំណែកដ៏ធំ ដែលធ្វើឱ្យក្រុមរបស់លោក Luciano Spalletti ឈរនៅលើកំពូលតារាង Serie A ហើយ Napoli ក៏បានឈានដល់វគ្គ 1/4 ផ្តាច់ព្រ័ត្រនៃក្របខ័ណ្ឌ Champions League ជាលើកដំបូងក្នុងប្រវត្តិសាស្ត្រផងដែរ។

គួរបញ្ជាក់ថា Kvaratskhelia បានចូលរួមជាមួយ Napoli កាលពីរដូវក្តៅមុន ក្រោយផ្ទេរពី Dinamo Batumi ក្នុងតម្លៃខ្លួន ១០ លានអឺរ៉ូ ។ គិតមកទល់ពេលនេះ រូបគេ ស៊ុតបញ្ចូលទីបាន ១៣ គ្រាប់ និងបញ្ជូនបាល់ឱ្យមិត្តរួមក្រុមបាន ១៥ ដង ក្នុង ២៩ ប្រកួតគិតគ្រប់កម្មវិធី៕

អត្ថបទទាក់ទង

ភ្នំពេញក្រោន ប្រកាសនាំចូល កីឡាករ 𝗬𝗶-𝗬𝗼𝘂𝗻𝗴 𝗣𝗮𝗿𝗸 សញ្ជាតិកូរ៉េខាងត្បូង កីឡាម្សិលមិញ ម៉ោង 2:13 am
ចាប់ពីឆ្នាំ២០២៥ តទៅ កីឡាករ និងក្រុមការងារគ្រូបង្វឹកនៃក្រុមជម្រើសជាតិកម្ពុជា នឹងទទួលបាន២៥% នៃចំណូលពីការលក់សំបុត្រ កីឡាថ្ងៃចន្ទ ទី២៣ ខែធ្នូ ឆ្នាំ២០២៤
ត្បូងឃ្មុំ ក្លាយជាម្ចាស់ពានរង្វាន់បាល់ទាត់ Hun Sen Cup ថ្នាក់ខេត្ត ឆ្នាំ២០២៤ កីឡាថ្ងៃចន្ទ ទី២៣ ខែធ្នូ ឆ្នាំ២០២៤
សមាគមបាល់ទះក្រសួងមហាផ្ទៃ ប៉ះ ស្នងការខេត្តស្វាយរៀង ក្នុងវគ្គផ្ដាច់ព្រ័ត្រពានរង្វាន់កីឡាបាល់ទះសម្ដេចក្រឡាហោម ស ខេង កីឡាថ្ងៃចន្ទ ទី២៣ ខែធ្នូ ឆ្នាំ២០២៤
តើកម្ពុជា អាចយកឈ្នះ ថៃ បានដែរឬទេ ខណៈ៧លើកចុងក្រោយ កម្ពុជា មិនដែលឈ្នះថៃ ទាល់តែសោះ កីឡាថ្ងៃសុក្រ ទី២០ ខែធ្នូ ឆ្នាំ២០២៤
Ronaldo Nazário នឹងឈរឈ្មោះជាប្រធានសហព័ន្ធកីឡាបាល់ទាត់ប្រេស៊ីល កីឡាថ្ងៃព្រហស្បតិ៍ ទី១៩ ខែធ្នូ ឆ្នាំ២០២៤