សហព័ន្ធកីឡាបាល់ទាត់កម្ពុជា គ្រោងនឹងរៀបចំបង្រៀនវគ្គគ្រូកាយសម្បទាកម្រិត១ A រយៈពេល ៥ថ្ងៃ
សហព័ន្ធកីឡាបាល់ទាត់កម្ពុជា គ្រោងនឹងរៀបចំបង្រៀនវគ្គគ្រូកាយសម្បទាកម្រិត១ A រយៈពេល ៥ថ្ងៃ
កាលពីពេលថ្មីៗនេះ សហព័ន្ធកីឡាបាល់ទាត់កម្ពុជា បានប្រកាសពីការបើកវគ្គបណ្ដុះបណ្ដាលវគ្គគ្រូកាយសម្បទាកម្រិត១ A (AFC Fitness LevelIA Certificate Coaching Course) ដែលមានរយៈពេល ៥ថ្ងៃ។
ខាងក្រោមនេះ ជាសេចក្ដីប្រកាសរបស់សហព័ន្ធកីឡាបាល់ទាត់កម្ពុជា៖
លោកស្រីប្រធាន ក្លិប/សមាគមកីឡាបាល់ទាត់ទាំងអស់ មេត្តាជ្រាបថា៖ សហព័ន្ធកីឡាបាល់ទាត់កម្ពុជា សហការជាមួយ សហព័ន្ធកីឡាបាល់ទាត់ទ្វីបអាស៊ី (AFC) គ្រោងនឹងរៀបចំវគ្គគ្រូកាយសម្បទាកម្រិត១A (AFC Fitness LevelIA Certificate Coaching Course) ដែលនឹងប្រព្រឹត្តទៅចាប់ពីថ្ងៃទី២៦ ដល់ថ្ងៃទី៣០ ខែឧសភា ឆ្នាំ២០២៥។ ក្នុងន័យនេះ សហព័ន្ធកីឡាបាល់ទាត់កម្ពុជា សូមជម្រាបជូនដល់បេក្ខជន/បេក្ខនារី ដែលមានបំណងចង់ចូលរួមជាបេក្ខភាព អាចដាក់ពាក្យតាមលក្ខខណ្ឌ ខាងក្រោម៖
លក្ខខណ្ឌទទួលពាក្យ៖
– ចាប់ពីថ្ងៃជូនដំណឹងនេះ ថ្ងៃចន្ទ ដល់ថ្ងៃសុក្រ ពីម៉ោង០៨:០០ ព្រឹក ដល់ម៉ោង១៦:០០ រសៀល នៅទីស្នាក់ការ ស.ប.ក
ក្នុងពហុកីឡដ្ឋានជាតិ (អូឡាំពិក)
– បេក្ខជន/បេក្ខនារី ត្រូវមានវិញ្ញាបនបត្រគ្រូបង្ហាត់បាល់ទាត់កម្រិត ‘B’ មានបទពិសោធន៍យ៉ាងតិច១ឆ្នាំ និងត្រូវបានទទួលស្គាល់ផ្នែកបច្ចេកទេសពីស្ថាប័ន/អង្គភាព
– បេក្ខជន/បេក្ខនារី ត្រូវមានលក្ខណៈសម្បត្តិគំរូ និងការប្តេជ្ញាចិត្ត ក្នុងនាមជាគ្រូបាល់ទាត់
– បេក្ខជន/បេក្ខនារី ត្រូវចេះភាសាអង់គ្លេសសមរម្យ និងអាចប្រើប្រាប់កុំព្យូទ័របានដូចជា (Microsoft Word, Microsoft Excel, PowerPoint ជាដើម)
– បេក្ខជន/បេក្ខនារី ត្រូវភ្ជាប់ជាមួយនូវរូបថត (៤x៦) ចំនួន០១សន្លឹក និងអត្តសញ្ញាណប័ណ្ណ ឬក៏លិខិតឆ្លងដែនថតចម្លងពណ៌ធម្មជាតិ ដែលមានសុពលភាព
– បេក្ខជន/បេក្ខនារី ត្រូវភ្ជាប់ជាមួយលិខិតបញ្ជាក់សុខភាព ដែលមានសុពលភាព
– បេក្ខជន/បេក្ខនារី ត្រូវផ្ញើឯកសារតាមរយៈអ៊ីម៉េល៖ yeankybophal@the-ffc.com។
ឈប់ទទួលពាក្យ៖
– ឈប់ទទួលពាក្យនៅថ្ងៃទី១៧ ខែមេសា ឆ្នាំ២០២៥។
បញ្ជាក់៖ បេក្ខជន/បេក្ខនារី ដែលបានដាក់ពាក្យរួចរាល់ នឹងត្រូវជ្រើសរើសតាមគុណសម្បត្តិ ដោយសហព័ន្ធកីឡាបាល់ ទាត់កម្ពុជា ដើម្បីបានចូលរួមវគ្គសិក្សាខាងលើនេះ។ សម្រាប់ព័ត៌មានបន្ថែមសូមទំនាក់ទំនងលេខទូរសព្ទ៖ ០១២ ៨៧៦ ១៧៨។
អាស្រ័យដូចបានជម្រាបជូនខាងលើ សូម ឯកឧត្តម/លោកជំទាវ/លោក/លោកស្រីប្រធាន មេត្តាជ្រាប ជាព័ត៌មាន និងមកទទួលពាក្យដើម្បីបំពេញបែបបទឱ្យបានរួសរាន់ទាន់ពេលវេលាកំណត់៕
