ភ្នំពេញក្រោន ប៉ះ វិសាខា ខណៈ ស្វាយរៀង ប៉ះ បឹងកេត វគ្គពាក់កណ្ដាលផ្ដាច់ព្រ័ត្រ Hun Sen Cup

ភ្នំពេញក្រោន ប៉ះ វិសាខា ខណៈ ស្វាយរៀង ប៉ះ បឹងកេត វគ្គពាក់កណ្ដាលផ្ដាច់ព្រ័ត្រ Hun Sen Cup

ក្រុមការពារដំណែងជើងឯកព្រះខ័នរាជស្វាយរៀង ត្រូវជួបជាមួយក្រុមបាល់ទាត់បឹងកេត ស្របពេលដែលក្រុមសឹងក្រហមភ្នំពេញក្រោន ត្រូវជួបជាមួយក្រុមសេះមាសវិខាសា នៅវគ្គពាក់កណ្ដាលផ្ដាច់ព្រ័ត្រ នៃពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៨ ឆ្នាំ២០២៤/២៥ ។

ក្រុមបាល់ទាត់បឹងកេត ដែលមានលោកស្រី ពុធ ធីតា ជាប្រធានក្លិប ជាក្រុមចុងក្រោយគេ ដែលឡើងមកកាន់វគ្គពាក់កណ្ដាលផ្ដាច់ព្រ័ត្រនេះ បន្ទាប់ពីយកឈ្នះ គូប្រជែងក្នុងលីគកំពូលកម្ពុជា អាយ អេស អាយ ដង្កោសែនជ័យ សរុបលទ្ធផលទាំងពីរជើង ៣ ទល់នឹង ០។

ដូច្នេះ បឹងកេត ត្រូវជួបជាមួយក្រុមការពារដំណែងជើងឯក ព្រះខ័នរាជស្វាយរៀង នៅវគ្គពាក់កណ្ដាលផ្ដាច់ព្រ័ត្រ ស្របពេលដែលក្រុមបាល់ទាត់ភ្នំពេញក្រោន ត្រូវជួបតតាំងជាមួយក្រុម វិសាខា របស់លោកជំទាវ កែ សួនសុភី ។

គួរបញ្ជាក់ថា កាលពីរដូវកាលមុន ក្រុមព្រះខ័នរាជស្វាយរៀង បានក្លាយជាម្ចាស់ជើងឯក បន្ទាប់ពីយកឈ្នះ ភ្នំពេញក្រោន ក្នុងលទ្ធផល ១-០ នៅវគ្គផ្ដាច់ព្រ័ត្រ ខណៈ វិសាខា បានចំណាត់ថ្នាក់លេខ៣៕