Lionel Messi អាចនឹងដើរចេញពី PSG ក្រោយធ្លាក់ចេញពី UCL
Lionel Messi អាចនឹងដើរចេញពី PSG ក្រោយធ្លាក់ចេញពី UCL
អនាគតក្លិបរបស់តារាឆ្នើម Lionel Messi ចាប់ផ្ដើមស្ថិតក្នុងភាពមិនប្រាកដប្រជា បន្ទាប់ PSG បានធ្លាក់ចេញពីក្របខណ្ឌកំពូលអឺរ៉ុប UFFA Champions League ក្រោមស្នាដៃម្ចាស់ជើងឯក UCL ៥សម័យកាល FC Bayern Munich កាលពីយប់មិញ។
មែនទែនទៅ មានពាក្យចចាមអារាមរួចទៅហើយថាវីរបុរសរបស់ក្លិបបាល់ទាត់ FC Barcelona រូបនេះ នឹងត្រលប់ទៅទ្រនំចាស់វិញនៅចុងបញ្ចប់រដូវកាលនេះ។ ក្រោយលទ្ធផលដ៏ខកចិត្តយប់មិញនេះ ធ្វើឲ្យរូបគេមានឱកាសខ្ពស់ក្នុងការចាកចេញ ព្រោះ PSG ចាយលុយដ៏ច្រើនបែបនេះ គឺគោលបំណងយក UCL នេះឯង។
ឆ្នាំដំបូងជាមួយក្លិបយក្សបារាំង Messi មិនអាចជួយក្លិប Paris Saint-Germain ឲ្យមុជជ្រៅទៅឆ្ងាយបានឡើយនៅ Champions League ពោលគឺត្រូវធ្លាក់ត្រឹមវគ្គ ១៦ក្រុមចុងក្រោយ ក្រោមស្នាដៃបងធំនៅអឺរ៉ុប Real Madrid ។
លើកនេះ ពួកគេបានហាលអាវត្រឹមវគ្គ១៦ក្រុមចុងក្រោយ ក្រោមថ្វីជើង Bayern Munich វិញ ដូច្នេះទាំងក្លិប និង Lionel Messi ប្រហែលជាអស់ចិត្តនឹងគ្នាហើយ ខណៈដែលវីរបុរសអាហ្សង់ទីនរូបនេះខកខានលើកពានមួយនេះ ៨ឆ្នាំមកហើយ ខណ:ដែលលើកចុងក្រោយ Messi លើកពាននេះ គឺនៅក្នុងឆ្នាំ២០១៥ ក្នុងអំឡុងពេលនៅជាមួយ Barcelona។
ជុំវិញបញ្ហាដ៏រសើបនេះ សារព័ត៌មានកីឡាដ៏ល្បីរបស់ពិភពលោក Goal បានព្យាករណ៍ថា នៅប៉ុន្មានថ្ងៃខាងមុខនេះ នឹងមានក្លិបជុំវិញពិភពលោកដាក់សំណើចុះហត្ថលេខាលើ Messi ជាក់ជាមិនខាន។ ក្នុងនោះ Barcelona និង Inter Miami ត្រូវបានគេរាយការណ៍ថា បានក្លាយជាបេក្ខភាពនាំមុខគេលើការនាំយកកំពូលកីឡាករនេះ។
យ៉ាងណាក៏ដោយ គេនឹងចាំមើលទាំងអស់គ្នាថា ម្ចាស់ពាន Balon d’or ៧ សម័យកាល Messi បន្តស្នាកនៅកើបលុយ ឬក៏ចាកចេញពី PSG នៅរដូវក្តៅនេះទេ? ហើយបើគាត់ចាកចេញ តើគាត់គួរទៅណា?
