ក្រុមជម្រើសជាតិវៀតណាម ក្លាយជាម្ចាស់ជើងឯក ពានរង្វាន់ ASEAN Mitsubishi Electronic Cup 2024
ក្រុមជម្រើសជាតិវៀតណាម ក្លាយជាម្ចាស់ជើងឯក ពានរង្វាន់ ASEAN Mitsubishi Electronic Cup 2024
ក្រុមជម្រើសជាតិវៀតណាម បានយកឈ្នះ ក្រុមជម្រើសជាតិថៃ ក្នុងលទ្ធផល ៣-២ ក្នុងការប្រកួតវគ្គផ្តាច់ព្រ័ត្រ ASEAN Cup 2024 ជើងទីពីរ ដោយសរុបលទ្ធផល ទាំងពីរជើង វៀតណាម បានយកឈ្នះ ថៃ ដោយលទ្ធផល ៥ទល់នឹង៣។
កាលពីប្រកួតជើងទីមួយនៅកីឡដ្ឋាន Phu Tho provincial ប្រទេសវៀតណាម កាលពីថ្ងៃទី២ ខែមករា ឆ្នាំ២០២៥ ក្រុមម្ចាស់ផ្ទះ បានយកឈ្នះ ក្រុមជម្រើសជាតិថៃ ក្នុងលទ្ធផល ២-១ រួចមកហើយ។
ងាកមកចាប់អារម្មណ៍ការប្រកួតនៅកីឡដ្ឋាន Rajamangala Stadium របស់ប្រទេសថៃ កាលពីយប់មិញនេះ ក្រុមវៀតណាម បានបើកការនាំមុខមុន ដោយចាយពេលត្រឹមតែ 8នាទីប៉ុណ្ណោះ ដោយកីឡាករ Pham Tuan Hai។ លុះដល់នាទី២៨ កីឡាករកូនកាត់របស់ថៃ Ben Davies ស៊ុតតាមស្មើ ១-១ ហើយចប់តង់ទី១ វៀតណាម ១-១ ថៃ។
លុះចូលដល់តង់ទី២ ម្ចាស់ផ្ទះថៃ បានបើកការនាំមុខវិញម្ដង ដោយកីឡាករ Supachok Sarachat នៅនាទី៦៥។ លុះដល់ចុងម៉ោងទៅហើយ ពោលគឺនៅនាទី៨២ កីឡាករថៃ Pansa Hemviboon បានធ្វើឲ្យបាល់ចូលទីខ្លួនឯង ហើយនៅម៉ោងបន្ថែម កីឡាករ Nguyen Hai Long របស់វៀតណាម បានស៊ុតគ្រាប់បាល់ពាក់កណ្ដាលតារាង ធ្វៀឲ្យ វៀតណាម យកឈ្នះ ថៃ ៣-២ សរុបលទ្ធផលទាំងរជើង វៀតណាម ៥-៣ ថៃ។
ដូច្នេះជើងខ្លាំងនៅ ASEAN Mitsubishi Electronic Cup 2024 បានទៅលើក្រុមជម្រើសជាតិវៀតណាម ខណៈថៃ បានត្រឹមជើងឯករង។ មែនទែនទៅ នេះគឺជាការឈ្នះ ជើងឯក ASEAN Cup លើកទីបីរបស់វៀតណាម និងជាលើកទីមួយ ចាប់តាំងពីឆ្នាំ ២០១៨។
បើយោងតាមកាសែត Vietnamn express បានរាយការណ៍ថា មនុស្សរាប់លាននាក់ បានកាន់ទង់ជាតិវៀតណាម បានដើរតាមដងផ្លូវ ដើម្បីអបអរជ័យជម្នះរបស់វៀតណាម ដោយស្រែកថា “វៀតណាមគឺជាជើងឯក” ៕
