ក្រុមគោព្រៃកម្ពុជា បើកទ្វារផ្ទះ ទទួលស្វាគម ម៉ាឡេស៊ី នៅ AFF Cup 2024 រសៀលនេះ

ក្រុមគោព្រៃកម្ពុជា បើកទ្វារផ្ទះ ទទួលស្វាគម ម៉ាឡេស៊ី នៅ AFF Cup 2024 រសៀលនេះ

(បាល់ទាត់)៖ នៅថ្ងៃទី៨ ខែធ្នូ ឆ្នាំ២០២៤ ក្រុមគោព្រៃកម្ពុជា ក្រោមការដឹកនាំរបស់គ្រូបង្វឹកសញ្ជាតិជប៉ុន លោក Koji Gyotoku នឹងចាប់ផ្ដើមការប្រកួតបើកឆាក ក្នុងពានរង្វាន់ ASEAN Mitsubishi Electric Cup 2024 ដោយត្រូវប៉ះជាមួយម៉ាឡេស៊ី វេលាម៉ោង ៥:៤៥ នាទីល្ងាច នាពហុកីឡដ្ឋានជាតិអូឡាំពិក។

ថ្លៃងនៅក្នុងសន្និសិទ្ធសារព័ត៍មានមុនការប្រកួត លោក KOJI GYOTOKU គ្រូបង្វឹកក្រុមជម្រើសកម្ពុជា បាននិយាយថា៖« សម្រាប់ខ្ញុំវាជាលើកដំបូង ក្រោយពេលខ្ញុំទទួលតំណែងជាគ្រូបង្គោល សម្រាប់ ក្រុមជម្រើសជាតិកម្ពុជា ខ្ញុំគិតថាអ្នកគាំទ្ររំពឹងច្រើនសម្រាប់លទ្ធផលល្អនៅថ្ងៃស្អែក ហើយខ្ញុំនឹងប្រឹងប្រែងអោយអស់ពីលទ្ធភាពដើម្បីការប្រកួតមួយនេះ។ ខ្ញុំជឿជាក់ថា មានអ្នកខ្លះអាចសង្ស័យពីក្រុមរបស់យើង ប៉ុន្តែសម្រាប់ខ្ញុំជឿជាក់ លើក្រុមរបស់យើង ជឿជាក់លើការសាមគ្គីជាមួយគ្នា យើងនឹងប្រយុទ្ធជាមួយនឹងគ្នា ហើយយើងជឿជាក់ថា យើងនឹងធ្វើអោយបានល្អសម្រាប់ការប្រកួតថ្ងៃស្អែកនេះ»។

ចំណែកលោក PAU MARTI គ្រូបង្វឹកក្រុមជម្រើសម៉ាឡេស៊ី បានលើកឡើងថា៖«សម្រាប់ការប្រកួតថ្ងៃស្អែកយើងពិតជារីករាយក្នុងការដែរមកចូលរួមជាមួយនឹង ព្រឹត្តិការណ៍ ASEAN MITSUBISHI ELECTRIC CUP 2024។ ហើយសម្រាប់ក្រុមរបស់យើង យើងជឿជាក់ថាការប្រកួតថ្ងៃស្អែកជាមួយនឹងក្រុម ជម្រើសជាតិកម្ពុជា គឺជាការប្រកួតដ៏តានតឹងមួយ។ ពួកយើងនឹងប្រឹងប្រែងអោយអស់ពីលទ្ធភាពសម្រាប់ការប្រកួតនៅថ្ងៃស្អែក ហើយយើងរំពឹងនឹងធ្វើបានល្អនៅថ្ងៃស្អែកនេះ»។

ខាងក្រោមនេះ ជាកម្មវិធីប្រកួតនៃ ពានរង្វាន់ ASEAN Mitsubishi Electric Cup 2024 របស់ក្រុមជម្រើសជាតិកម្ពុជា៖
– កម្ពុជា ប៉ះ ម៉ាឡេស៊ី នៅថ្ងៃទី៨ ខែធ្នូ ឆ្នាំ២០២៤ នាពហុកីឡដ្ឋានជាតិ
– កម្ពុជា ប៉ះ សិង្ហបុរី នៅថ្ងៃទី១១ ខែធ្នូ ឆ្នាំ២០២៤ នាពហុកីឡដ្ឋានជាតិ
– កម្ពុជា ប៉ះ ទីម័រខាងកើត នៅថ្ងៃទី១៧ ខែធ្នូ ឆ្នាំ២០២៤ នាពហុកីឡដ្ឋានជាតិ
– កម្ពុជា ប៉ះ ថៃ នៅថ្ងៃទី២០ ខែធ្នូ ឆ្នាំ២០២៤ នាកីឡដ្ឋាន Rajamangala ប្រទេសថៃ។

គួរបញ្ជាក់ថា ក្នុងពានរង្វាន់ ASEAN Mitsubishi Electric Cup 2024 ក្រុមជម្រើសកម្ពុជា ស្ថិតក្នុងពូល A ជាមួយ ក្រុមជម្រើសជាតិថៃ ម៉ាឡេស៊ី សិង្ហបុរី និងទីម័រខាងកើត៕