អ្នកឧកញ៉ា គិត ម៉េង បើកដំណើរការយន្តហោះឯកជន ដើម្បីជំរុញទេសចរណ៍

អ្នកឧកញ៉ា គិត ម៉េង បើកដំណើរការយន្តហោះឯកជន ដើម្បីជំរុញទេសចរណ៍

ភ្នំពេញ៖ ក្រុមហ៊ុន CamJets ដែលជាក្រុមហ៊ុនបុត្រសម្ព័ន្ធថ្មីរបស់ រ៉ូយ៉ាល់គ្រុប របស់អ្នកឧកញ៉ា គិត ម៉េង កាលពីថ្ងៃទី២១ ខែសីហា ឆ្នាំ២០២៤ បានបើកដំណើរការនូវយន្តហោះឯកជនដ៏ទំនើប និងសេវាកម្មធ្វើដំណើរផ្ដាច់មុខ និងទេសចរណ៍ឯកជន នៅអាកាសយានដ្ឋានអន្តរជាតិភ្នំពេញ។

CamJets រ៉ូយ៉ាល់គ្រុប នឹងកំណត់ឡើងវិញនូវភាពប្រណីតជាមួយនឹងសេវាកម្មយន្តហោះឯកជនផ្តាច់មុខ ដែលរៀបចំឡើងសម្រាប់អ្នកធ្វើដំណើរប្រកបដោយការយល់ដឹង ដែលរំពឹងថានឹងទទួលបានសេវាកម្មល្អឥតខ្ចោះ។

ចាប់ពីពេលដែលអតិថិជនឡើងលើយន្តហោះទំនើបបំផុតនេះ អតិថិជននឹងទទួលបាននូវបទពិសោធដែលអតិថិជនមិនធ្លាប់ទទួលពីមុនមក។ CamJets រ៉ូយ៉ាល់គ្រុប ត្រូវបានបំពាក់ដោយផ្នែកខាងក្នុងដ៏ប្រណីត បច្ចេកវិទ្យាទំនើបទាន់សម័យ និងបរិក្ខារដែលអាចប្ដូរ តាមបំណងបានយ៉ាងពេញលេញ។

ការបើកដំណើរការប្រតិបត្តិការហោះហើររបស់ក្រុមហ៊ុន CamJets រ៉ូយ៉ាល់គ្រុប នឹងផ្តល់នូវជម្រើសដ៏ធំទូលាយសម្រាប់អ្នកធ្វើដំណើរអាជីវកម្មដែលត្រូវការសេវាកម្មកម្រិតខ្ពស់សម្រាប់យន្តហោះឯកជន ក៏ដូចជាការរួមចំណែកក្នុងការអភិវឌ្ឍវិស័យអាកាសចរណ៍កម្ពុជាផងដែរ៕