Messi អវត្តមានក្នុងវគ្គជម្រុះ World Cup ជាមួយហ្សង់ទីន ដោយសាររបួស

Messi អវត្តមានក្នុងវគ្គជម្រុះ World Cup ជាមួយហ្សង់ទីន ដោយសាររបួស

(បាល់ទាត់)៖ សហព័ន្ធកីឡាបាល់ទាត់អាហ្សង់ទីន បានប្រកាសថា ប្រធានក្រុមអាហ្សង់ទីន កីឡាករ Lionel Messi ត្រូវបានដកឈ្មោះចេញពីក្រុម សម្រាប់ការប្រកួតជម្រុះ World Cup នៅអាមេរិកខាងត្បូង នៅខែក្រោយជាមួយឈីលី និងកូឡុំប៊ី ដោយសាររបួស។

អតីតកីឡាករក្រុមអ្នកមានបុណ្យ FC Barcelona វ័យ ៣៧ឆ្នាំរូបនេះ មិនត្រូវបានបញ្ចូលក្នុងក្រុមទាំង២៨នាក់នោះទេ បន្ទាប់ពីរបួសកជើង អំឡុងពេលប្រកួតវគ្គផ្តាច់ព្រ័ត្រ Copa America កាលពីខែមុន នៅសហរដ្ឋអាមេរិក។ កីឡាករ Inter Miami រូបនេះ បច្ចុប្បន្ន កំពុងសម្រាកព្យាបាលនៅក្លឹបរបស់គាត់។

ជាមួយគ្នានេះ អ្នកចាំទី Franco Armani របស់ River Plate ក៏ត្រូវបានចាកចេញពីក្រុមផងដែរ ខណៈខ្សែប្រយុទ្ធ Angel Di Maria ក៏បានប្រកាសចូលនិវត្តន៍ពីក្រុមជម្រើសជាតិផងដែរ បន្ទាប់ពីការប្រកួត Copa America។

គ្រូបង្វឹក លោក Lionel Scaloni បានកោះហៅខ្សែបម្រើ Ezequiel Fernandez និងខ្សែប្រយុទ្ធ Valentin Castellanos ជាលើកដំបូង រួមជាមួយនឹងកីឡាករវ័យក្មេង ដែលធ្លាប់ជាប់ជម្រើសជាតិម្ដងម្កាលដូចជា Alejandro Garnacho, Valentin Carboni, Valentin Barco និង Matias Soule ផងដែរ។

ក្រុមជម្រើសជាតិអាហ្សង់ទីន នឹងទទួលភ្ញៀវឈីលី នៅកីឡដ្ឋាន Monumental ក្នុងទីក្រុង Buenos Aires នៅថ្ងៃទី ៥ ខែកញ្ញា មុនពេលជួបជាមួយក្រុមជម្រើសជាតិកូឡុំប៊ី ប្រាំថ្ងៃក្រោយ ក្នុងទីក្រុង Barranquilla ។

សម្រាប់កីឡាករដែលអាហ្សង់ទី កោះហៅត្រៀមប្រកួតជម្រុះ World Cup នេហមានដូចជា៖ កីឡាករ Walter Benitez, Geronimo Rulli, Juan Musso, Emiliano Martinez, Gonzalo Montiel, Nahuel Molina, Cristian Romero, អាល្លឺម៉ង់ Pezzella, Leonardo Balerdi, Nicolas Otamendi, Lisandro Martinez, Nicolas Tagliafico, Valentin Barco, Guido Rodriguez, Alexis Mac Allister, Enzo Fernandez, Giovani Lo Celso, Ezequiel Fernandez, Rodrigo De Paul, Nicolas Gonzalez, Leandro Paredes, Alejandro Garnacho, Matias Soule, Giuliano Simeone, Valentin Carboni, Julian Alvarez, Lautaro Martinez និង Valentin Castellanos៕