អូឡាំពិក៖ ប្រេស៊ីល ប៉ះ អាមេរិក នៅវគ្គផ្តាច់ព្រ័ត្រ វិញ្ញាសារបាល់ទាត់នារី
អូឡាំពិក៖ ប្រេស៊ីល ប៉ះ អាមេរិក នៅវគ្គផ្តាច់ព្រ័ត្រ វិញ្ញាសារបាល់ទាត់នារី
នៅទីបំផុត ! ការប្រកួតបាល់ទាត់ផ្នែកនារី នៃព្រឹត្តិការណ៍ប្រកួតកីឡាអូឡាំពិករដូវក្ដៅ នៅទីក្រុងបារីស ប្រទេសបារាំង បានឈានដល់វគ្គផ្តាច់ព្រ័ត្រហើយ ដោយក្រុមជម្រើសជាតិប្រេស៊ីល នឹងត្រូវជួបក្រុមជម្រើសជាតិអាមេរិក ដណ្ដើមមេដាយមាស។
សម្រាប់ការប្រកួតវគ្គពាក់កណ្ដាលផ្ដាច់ព្រ័ត្រ ក្រុមជម្រើសជាតិប្រេស៊ីល
បានទម្លាក់ក្រុមជម្រើសជាតិអេស្ប៉ាញ ក្នុងលទ្ធផល ៤-២ ខណៈអាមេរិក បានយកឈ្នះ ក្រុមជម្រើសជាតិអាល្លឺម៉ង់ ក្នុងលទ្ធផល ១-០។
សម្រាប់ការប្រកួតដណ្ដើមមេដាយមាស វិញ្ញាសារបាល់ទាត់នារីរវាងក្រុមជម្រើសជាតិប្រេស៊ីល និងអាមេរិក នឹងធ្វើឡើងនៅថ្ងៃទី១០ ខែសីហា ឆ្នាំ២០២៤ ខណៈការប្រកួតដណ្ដើមបេដាយសំរឹទ្ធ ធ្វើឡើងនៅមុនមួយថ្ងៃ ពោលគឺថ្ងៃទី៩ ខែសីហា។
គួរបញ្ជាក់ថា ការប្រកួតកីឡាអូឡាំពិករដូវក្ដៅ រៀបចំឡើងរាល់៤ឆ្នាំម្តង ដោយលើកទី៣៣នេះធ្វើឡើងនៅទីក្រុងប៉ារីស ប្រទេសបារាំង ចាប់ផ្តើមពីថ្ងៃទី២៦ ខែកក្កដា រហូតដល់ថ្ងៃទី១១ សីហា ឆ្នាំ២០២៤ កីឡាចំនួន៣២ មាន៣២៩វិញ្ញាសា អោយអត្តពលិកប្រមាណ ១០,៥០០នាក់ចូលរួមប្រកួតប្រជែង៕
