សហព័ន្ធកីឡាបាល់ទាត់អាស៊ាន នឹងដាក់ឲ្យប្រើប្រាស់ VAR ក្នុងពេលឆាប់ៗនេះ

សហព័ន្ធកីឡាបាល់ទាត់អាស៊ាន នឹងដាក់ឲ្យប្រើប្រាស់ VAR ក្នុងពេលឆាប់ៗនេះ

កាលពីពេលថ្មីៗនេះ សហព័ន្ធកីឡាបាល់ទាត់អាស៊ាន ហៅកាត់ថា AFF នឹងសម្រេចដាក់ឲ្យប្រើប្រាស់នូវបច្ចេកវិទ្យាវីដេអូជំនួយការអាជ្ញាកណ្តាលវីដេអូ ឬ Video Assistant Referee (VAR) ក្នុងពេលឆាប់ៗខាងមុខនេះ។ នេះបើតាមការប្រកាសរបស់ AFF។

ខាងក្រោមនេះ ជាសេចក្តីប្រកាសព័ត៌មានរបស់ AFF ៖
សហព័ន្ធកីឡាបាល់ទាត់អាស៊ាន (AFF) នឹងអនុវត្តបច្ចេកវិទ្យា Video Assistant Referee (VAR) នៅក្នុងការប្រកួតនាពេលខាងមុខ បន្ទាប់ពីបានដាក់ប្រើប្រាស់ដោយជោគជ័យក្នុងការប្រកួតជើងឯកយុវជនអាស៊ានអាយុក្រោម ១៦ឆ្នាំ ដែលទើបនឹងបញ្ចប់នៅ ទីក្រុង Solo ប្រទេសឥណ្ឌូនេស៊ី។
សហព័ន្ធកីឡាបាល់ទាត់អាស៊ាន នឹងបន្តនូវការប្រើប្រាស់ VAR នៅក្នុងការប្រកួតផ្សេងទៀតរបស់ខ្លួន ដែលចាប់ផ្តើមជាមួយនឹងពានរង្វាន់យុវជនអាស៊ាន U19 ពីថ្ងៃទី 17 ដល់ថ្ងៃទី ២៩ ខែកក្កដា ឆ្នាំ ២០២៤ បន្ទាប់មកគឺ ASEAN Club Championship Shopee Cup ២០២៤/២៥ ចាប់ពីថ្ងៃទី ២១ ខែសីហា ឆ្នាំ ២០២៤ ដល់ថ្ងៃទី ២១ ខែឧសភា ឆ្នាំ ២០០៥ និងពានរង្វាន់ ASEAN Mitsubishi Electric Cup 2024 ចាប់ពីថ្ងៃទី ២៣ ខែវិច្ឆិកាដល់ថ្ងៃទី ២១ ខែធ្នូ ឆ្នាំ ២០២៤។

លោកឧត្តមសេនីយ៍ទោ ខៀវ សាម៉េត ប្រធាន AFF មានប្រសាសន៍ថា “ AFF ជឿជាក់ថា VAR កំពុងផ្លាស់ប្តូរមុខមាត់បាល់ទាត់ ហើយបានក្លាយទៅជាផ្នែកដ៏សំខាន់បំផុតមួយ ដែលនឹងលើកកម្ពស់ការប្រកួតប្រជែងរបស់យើងមួយកម្រិតទៀត” ។
“ការប្រើប្រាស់បច្ចេកវិទ្យានេះនៅក្នុងការប្រកួត ASEAN Boys’ U16 Championship នៅទីក្រុង Solo ប្រទេសឥណ្ឌូនេស៊ី គឺស្របតាមការគ្រោងទុក និងកិច្ចខិតខំប្រឹងប្រែងរបស់ AFF ដើម្បីលើកកម្ពស់ការប្រកួតរបស់យើង រួមទាំងការផ្តល់ការគាំទ្រដ៏ល្អបំផុតសម្រាប់អាជ្ញាកណ្តាល ដើម្បីឱ្យពួកគេធ្វើភាពត្រឹមត្រូវ សមស្រប។ ការសម្រេចចិត្ត» ។
ឧត្តមសេនីយ៍ទោ សាម៉េត បន្ថែមថា “ខ្ញុំសូមសម្ដែងនូវការកោតសរសើរពីក្រុមប្រឹក្សា AFF ដោយថ្លែងអំណរគុណចំពោះ FIFA, AFC, លោក Erick Thohir និងសហការីរបស់គាត់នៅក្នុងសហព័ន្ធឥណ្ឌូណេស៊ី សម្រាប់ជំនួយដ៏ធំធេងដែលបានបង្ហាញក្នុងការអនុវត្ត VAR ក្នុងព្រឹត្តិការណ៍ ASEAN U16 Boys’ Championship 2024″។
លើសពីនេះ ខ្ញុំសូមអរគុណដល់ក្រុមការងារ VAR ដែលដឹកនាំដោយលោក Viphet Sihachakr អគ្គលេខាធិការ AFF លោក Winston Lee ព្រមទាំងលោក Rodzali Yacob និងក្រុមអាជ្ញាកណ្តាលសម្រាប់ការខិតខំប្រឹងប្រែងឥតឈប់ឈររបស់ពួកគេក្នុងអំឡុងពេលដំណើរការអនុវត្ត។

គួរបញ្ជាក់ថា Video Assistant Referee ដែលគ្រប់គ្នានិយមហៅថា VAR ត្រូវបាន សម្រេចដាក់ឲ្យប្រើប្រាស់សាកល្បងផ្ទាល់លើកដំបូងនៅខែកក្កដា ឆ្នាំ ២០១៦ ហើយមកទល់ពេលនេះ វាត្រូវបាន FIFA សម្រេចដាក់ឲ្យប្រើប្រាស់រហូតមកដល់បច្ចុប្បន្ន៕