វិសាខា ប្រកាសតែងតាំងគ្រូបង្វឹកថ្មី បទពិសោធន៍មិនធម្មតា
វិសាខា ប្រកាសតែងតាំងគ្រូបង្វឹកថ្មី បទពិសោធន៍មិនធម្មតា
កាលពីថ្ងៃទី១៦ ខែមិថុនា ម្សិលមិញនេះ ក្លិបបាល់ទាត់វិសាខា បានប្រកាសតែងតាំងគ្រូបង្វឹកថ្មីគឺលោក Jurgis Kalns ជនជាតិឡាតវី ធ្លាប់លេងនៅវគ្គជម្រុះ UCL ជុំទី១ទៀតផង។
មុនមកប្រកបអាជីពនៅកម្ពុជា គ្រូបង្វឹកវ័យ ៤១ឆ្នាំរូបនេះ បានដឹកនាំក្លិប Valmiera លើកពានរង្វាន់លីគកំពូលឡាតវី ក្នុងរដូវកាល២០២២ ផងដែរ។ក្រុម Valmiera បានឡើងទៅជម្រុះពានរង្វាន់ជើងឯកទ្វីបអឺរ៉ុប UEFA Champions League រដូវកាល២០២៣-២៤ ក្នុងវគ្គ Qualification Round 1 តែបានបរាជ័យក្រោមថ្វីជើងក្រុម Olympia Ljubljana ទាំង២ជើង ក្នុងលទ្ធផល ៤-២។
លោក Jurgis Kalns បានដឹកនាំក្លិបជាច្រេីនដូចជា៖ ក្លឹប FK Auda (២០១៥-២០១៧), SK Super Nova(២០១៨), FK Tukums (២០១៩-២០២០) និងValmiera (២០២១-២០២៤)។ លោក Jurgis Kalns កាន់អាជ្ញាប័ណ្ឌគ្រូបង្វឹក UEFA Pro Licence ។
គួរបញ្ជាក់ថា លោក Jurgis Kalns ជាគ្រូបង្វឹកទី៦ ហើយនៅក្លិបវិសាខា គិតពីឆ្នាំ ២០១៨ ដោយមានគ្រូលោក ហុក សុជីវ័ន្ត, លោក Colum Curtis, លោក Akeeb Tunji Ayoyinka (គ្រូ បណ្តោះអាសន្ន), លោក Lee Tae Hoon , លោក មាស ចាន់ណា និង លោក Simon McMenemy៕
