លោក Zelensky ដាក់សំណើសុំយន្តហោះចម្បាំងពីបារាំង និងអាល្លឺម៉ង់
លោក Zelensky ដាក់សំណើសុំយន្តហោះចម្បាំងពីបារាំង និងអាល្លឺម៉ង់
បរទេស ៖ ក្រោយជំនួបជាមួយនឹងមន្ត្រីរដ្ឋាភិបាលរបស់អង់គ្លេសកាលពីថ្ងៃដើមសប្ដាហ៍នេះ មេដឹកនាំអ៊ុយក្រែន លោកប្រធានាធិបតី Vladimir Zelensky បានដាក់ជាសំណើផ្លូវការ ដើម្បីអាចសុំជំនួយជាយន្តហោះចម្បាំងពីប្រទេសបារាំង និងប្រទេសអាល្លឺម៉ង់។
មេដឹកនាំអ៊ុយក្រែនរូបនេះបានជួបជាមួយនឹងមេដឹកនាំនៃប្រទេសទាំងពីរនៅក្នុងប៉ារីសកាលពីល្ងាចថ្ងៃពុធ ខណៈដែលភាគីទាំងពីរក៏បានសន្យាថានឹងបន្តផ្តល់ជំនួយគាំទ្រទៅដល់ប្រទេសអ៊ុយក្រែនបន្ថែមទៀតផងដែរ។
ប្រធានាធិបតីបារាំង លោក Emmanuel Macron និងអធិកាបតីអាល្លឺម៉ង់ Olaf Scholz ក្នុងឱកាសនោះក៏បានធ្វើការបញ្ជាក់អំពីជំហរបស់ពួកគេសាជាថ្មីនៅក្នុងសង្គ្រាមលើកនេះរុស្ស៊ីនឹងមិនអាចឈ្នះអ៊ុយក្រែនបានជាដាច់ខាត។
គួរឲ្យដឹងដែរថា លោក Zelensky ក៏នឹងបន្តដាក់សំណើរដើម្បីសុំជំនួយជាយន្តហោះចម្បាំងនេះសាជាថ្មីម្តងទៀតនៅក្នុងពេលដែលគាត់គ្រោងនឹងជួបប្រជុំជាមួយនឹងបណ្តាមេដឹកនាំអឺរ៉ុបនាថ្ងៃព្រហស្បតិ៍នេះក្នុងទីក្រុងប្រ៊ូសែលប្រទេសប៊ែល ហ្ស៊ិកផងដែរ៕
