មិនធម្មតា! MARCUS HABER បន្តស៊ុតបញ្ចូលទីគ្រប់ការប្រកួតនៅលីគកំពូលកម្ពុជា គិតត្រឹមសប្ដាហ៍ទី៨
មិនធម្មតា! MARCUS HABER បន្តស៊ុតបញ្ចូលទីគ្រប់ការប្រកួតនៅលីគកំពូលកម្ពុជា គិតត្រឹមសប្ដាហ៍ទី៨
បាល់ទាត់)៖ ខ្សែប្រយុទ្ធអន្តរជាតិសញ្ជាតិកាណាដា កីឡាករ MARCUS WARREN HABER របស់ក្លិបព្រះខ័នរាជស្វាយរៀង ក្លាយជាកីឡាករស៊ុតបញ្ចូលទីច្រើនជាងគេនៃការប្រកួតជម្រើសជើងឯក ខេមបូឌានព្រីមៀរលីគ ឆ្នាំ២០២៣/២៤ គិតត្រឹមសប្ដាហ៍ទី៨ ដោយស៊ុតបាន ១២គ្រាប់។
កាលពីថ្ងៃអាទិត្យម្សិលមិញនេះ MARCUS HABER បានស៊ុតបញ្ចូលទី១គ្រាប់ ក្នុងជំនួបដែលក្រុមព្រះខ័នរាជស្វាយរៀង យកឈ្នះ ក្រុមគីរីវង់សុខសែនជ័យ ក្នុងលទ្ធផល ២-១ នៃការប្រកួតជម្រើសជើងឯក ខេមបូឌានព្រីមៀរលីគ ឆ្នាំ២០២៣/២៤ សប្ដាហ៍ទី៨។
គួរបញ្ជាក់ថា ១២គ្រាប់របស់ MARCUS WARREN HABER រកបាននៃការប្រកួតជាមួយកងយោធពលខេមរភូមិន្ទ ២គ្រាប់ , ភ្នំពេញក្រោន ២គ្រាប់, ណាហ្គាវើលដ៍ ១គ្រាប់, អាយអេសអាយដង្កោសែនជ័យ ១គ្រាប់, អង្គរថាយហ្គឺរ ១គ្រាប់, វិសាខា ១គ្រាប់, ព្រៃវែង ៣គ្រាប់ និងជាមួយគីរីវង់សុខសែនជ័យ ១គ្រាប់ បានក្លាយជាកីឡាករតែម្នាក់គត់ ដែលសុតបញ្ចូលទីគ្រប់ការប្រកួតនៃការប្រកួតជម្រើសជើងឯក ខេមបូឌានព្រីមៀរលីគ សម្រាប់៨សប្ដាហ៍ កន្លងមកនេះ។
សម្រាប់ការប្រកួតលើកក្រោយ ក្រុមព្រះខ័នរាជស្វាយរៀង របស់ MARCUS WARREN HABER នឹងធ្វើដំណើរទៅសួរសុខទុក្ខក្រុមបឹងកេត នៅថ្ងៃទី២៨ ខែតុលា វេលាម៉ោង ៦៖០០នាទីល្ងាច៕
